ГОЛ ӨНЦӨГ:  

• TMK энержи нь Монгол Алт ХХК (МАК)-тай хамтран ажиллах, цахилгаан эрчим хүч зарах оффтэйк гэрээнд гарын үсэг зурлаа
• Энэхүү гэрээ нь ТМК туршилтын үеийн үйлдвэрлэсэн цахилгаан эрчим хүчийг МАК-д худалдах бөгөөд туршилтын шатнаас гарган авсан илүүдэл усыг Мак хадгалж, ашиглах нөхцөлтэй юм.
• Харин МАК нь TMK-д хүнд машин техникээ ашиглах боломжийг олгож, туршилтын хөтөлбөрийн дэд бүтцийн бүтээн байгуулалтад дэмжлэг үзүүлэх юм.

МАК болон ТМК энержи нь метан хийн олборлолтын өмнөх туршилтын үе шатны цахилгаан эрчим хүчийг худалдах оффтэйк гэрээнд гарын үсэг зурлаа. 

   Энэхүү гэрээ нь туршилтын хөтөлбөрөөс гаргаж авсан хийг байгаль орчинд ээлтэй бөгөөд арилжааны сонирхол татахуйц байдлаар ашиглах зорилготой юм.

Тус гэрээ нь "МАК болон ТМК хоорондын хамтын ажиллагаа харилцан ашигтай байхаар хийгдэж байгаа. Энэ нь тухайн бүс нутгийн хамгийн том хэрэглэгчдийн нэг болох МАК-ийг цахилгаан эрчим хүчээр хангах замаар метан хийг эрт арилжаанд оруулж байгаа явдал юм. 

Түүнчлэн МАК уурхай нь Нарийнсухайтын бүсийн эрчим хүчний томоохон хэрэглэгч бөгөөд усны эрэлт хэрэгцээ өндөр. ТМК-ийн хувьд ус хадгалах, боловсруулах байгууламж барих, ажиллуулах шаардлагыг халж, МАК-д усыг ашигтайгаар дахин ашиглах боломжийг олгож байгаа тул энэ нь хоёр талдаа ашигтай гэрээ хэлцэл болж байна.

   ТМК Энержи нь газрын тос ба байгалийн хийн хайгуулын компани юм. Түүнчлэн Байгалийн хийн салбарт 15 жилийн туршлагатай бөгөөд Монгол Улсад 2011 оноос хойш томоохон төслүүд дээр ажиллаж байгаа туршлагатай удирдлагын багтай юм.

   "Гурвантэс-35" төслийг хэрэгжүүлж байгаа ба энэ төсөл нь эрчим хүчний өндөр хэрэгцээтэй томоохон уурхайнууд байршдаг Өмнөговь аймагт хэрэгжиж байгаагаараа давуу талтай. Түүнчлэн Байгалын хийн томоохон зах зээл болох БНХАУ-н хилээс 20 км хүрэхгүй зайтайгаараа давуу талтай. 

БНХАУ нь дэлхийн томоохон эрчим хүчний хэрэглэгчдийн нэг юм. БНХАУ-н эрчим хүчний салбарт байгалийн хийн эрэлт сүүлийн 20 жилийн турш нэмэгдсээр байгаа ба ирэх 30 жилд эрэлт 2 дахин нэмэгдэх хүлээлттэй байна.

   Тухайн төслөөс метан хийн өндөр агуулга илэрсэн. Одоогоор “Гурвантэс-35” талбайд нүүрсний давхаргын метан хийн дундаж агуулга өндөр илэрсэн ба 5.9 триллион куб фит таамаг нөөц тогтоогдсон. Энэхүү төслийг хэрэгжүүлэхээр эхний шатанд $1.5 саяын санхүүжилт хийгдсэн ба нэмэлтээр $3.15 сая санхүүжилт хийгдэхээр төлөвлөгдсөн. 2023 онд урьдчилсан нөөц тогтоох, ТЭЗҮ боловсруулах болон туршилтын борлуулалтаа хийхээр төлөвлөж байна. Дээрх гэрээг хийснээр төслийн үйл явцыг хурдасгах маш том давуу тал бий болж байгаа юм. 

Хэрэв танд илүү дэлгэрэнгүй мэдээлэл, судалгаа, зөвлөгөө хэрэгтэй бол дараах линкээр бүртгүүлээрэй. Бүртгүүлэх: https://tavanbogdcapital.com/FeaturedItem/756956