ГОЛ ӨНЦӨГ

• TOП20 индекс 2025 оны эхнээс буурч 48,090.3 төгрөг болов.
• Өнөөдөр MNDL хувьцаа арилжааны идэвхээр тэргүүлсэн бөгөөд 2.3 тэрбум төгрөгийн арилжаа хийгдлээ.
  “Хувьцааны хуримтлал" багц 2023 оноос хойш 21.2%-ийн өсөлттэй байна.

ТОП20 ИНДЕКС ХЭРХЭН ӨӨРЧЛӨГДӨВ?

   TOП20 индекс 48,090.3 төгрөг болсон нь өмнөх өдрийн хаалтын ханштай харьцуулахад 0.1%-аар буурсан үзүүлэлт боллоо. Хэрэв 2025 оны эхэнд ₮1,000,000 -р хөрөнгө оруулалт хийсэн бол буурч 937,000 төгрөг болох байжээ.

Зах зээлийг төлөөлдөг ТОП-20 индекс тогтвортой байгаа ч, A/D Line тасралтгүй буурч байгаа нь ихэнх хувьцааны ханш унаж, зах зээлийн өсөлт цөөн хувьцаанд л төвлөрч байгааг илтгэж байна. Энэ нь хөрөнгө оруулалтын үр ашиг бага байгааг харуулж, зах зээлийн суурь үзүүлэлтүүдэд анхаарал хандуулах шаардлагатайг сануулж байна.
A/D Line-ий талаар дэлгэрэнгүй мэдээллийг дараах холбоосоор орж үзнэ үү: https://tavanbogdcapital.com/news/58690266

ХАМГИЙН ХАМГИЙН...

  Арилжааны үр дүнд ханш нь хамгийн өндөр өссөн хувьцаат компани нь Монгол дизель ХК, Силикат ХК, Эм Жи Эл Акуа ХК, Сүү ХК болон Төрийн Банк ХК -ууд байсан ба өсөлт нь 4.3%-аас 15.0%-ийн хооронд хэлбэлзлээ.
   Харин арилжааны үр дүнд ханш нь хамгийн өндөр буурсан хувьцаат компаниуд нь Стандарт проперти групп ХК, Бөөний худалдаа ХК, Хасу-Мандал ХК, Монгол шевро ХК болон Хорин хоёрдугаар бааз ХК -ууд байсан ба бууралт нь 15.0%-д хүрсэн байна.

АРИЛЖААНЫ ИДЭВХЭЭР ТЭРГҮҮЛСЭН ХУВЬЦААНУУД ХЭР ӨСӨЛТТЭЙ БАЙНА ВЭ?

ХУВЬЦААНЫ ХУРИМТЛАЛ

   Манай компани 2023 оноос эхлэн 7 хоног бүр 250,000 төгрөгөөр хувьцаа худалдан авч "Хувьцааны Хуримтлал" багцыг бүрдүүлсэн бол 2024 оноос эхлэн худалдан авалтын үнийн дүнгээ 2 дахин нэмж 7 хоног бүр 500,000 төгрөгөөр худалдан авалт хийж "Хувьцааны Хуримтлал" багцыг бүрдүүлээд байна. "Хувьцааны Хуримтлал" -тай нэгдэхийг хүсвэл: https://tavanbogdcapital.com/FeaturedItem/34015987