ГОЛ ӨНЦӨГ: 

• Инвескор ББСБ ХК  нь хөрөнгө оруулалтын зээлжих зэрэглэл тогтоох байгууллага болох Монголын Хөрөнгө оруулалтын Зэрэглэлийн Эжинси (МИРА) ХХК-аас “A” буюу тогтвортой гэсэн үнэлгээг авлаа.
• Зээлжих зэрэглэлийн үнэлгээ нь тухайн байгууллагын санхүүгийн байдлын зан төлөв, эрсдэлээ удирдах чадавх, бизнесийн стратеги болон активын чанар зэрэгт суурилсан цогц үнэлгээний тайлан юм.

Монголын Хөрөнгө оруулалтын Зэрэглэлийн Эжинси (МИРА) ХХК нь Санхүүгийн зохицуулах хорооны тусгай зөвшөөрөлтэй зэрэглэл тогтоох байгууллага бөгөөд 2023 оны 11-р сарын 01-нд болсон Зэрэглэлийн хорооны хурлын шийдвэрээр Инвескор ББСБ-д “A” үнэлгээг өглөө. 

“А тогтвортой” төлөв нь тус компанийн санхүүгийн үйл ажиллагааг Олон улсын жишигт нийцсэн, зээлийн багцын чанар сайн бөгөөд цаашид тогтвортой өсөх төлөвтэй, эрсдэлийн удирдлагын сайн засаглал болон эх үүсвэрийн төрөлжилт сайтай зэргийг харуулсан үнэлгээ юм.

Инвескор ББСБ” ХК нь 2016 онд үүсгэн байгуулагдсан цагаасаа эхлэн уламжлалт банк бус санхүүгийн зах зээл болон финтек буюу технологид суурилсан санхүүгийн зах зээлийг хослуулан үйл ажиллагаа явуулдаг онцлогтой бөгөөд Эрдэнэт, Улаанбаатар хотын нийт 15 салбар нэгжүүдээрээ дамжуулан түргэн шуурхай санхүүгийн бүтээгдэхүүн үйлчилгээг хүргэн ажиллаж байна. Мөн Киргиз улсад 2 охин компани 4 салбар, Казакстан болон Узбекистан улсад охин компаниудаа байгуулж үйл ажиллагаагаа амжилттай тэлсээр байна.

Инвескор ББСБ” ХК нь 2019 онд IPO хийж олон нийтэд нээлттэй компани болсон ба хувьцааны ханш нь IPO хийснээс хойш 394%-ийн өсөлт үзүүлсэн байна. Мөн МХБ-ээр дамжуулан “Инвескор Бонд 2.0” нээлттэй бонд гаргаж олон нийтээс 50.0 тэрбум төгрөгийн санхүүжилт татсан. Түүнээс гадна Европын Сэргээн Босголт Хөгжлийн Банк (EBRD)-аас 5 сая ам.доллартой тэнцэх төгрөгийн урт хугацаат зээлийн санхүүжилт авах гэрээг байгуулж мөн Азийн Хөгжлийн Банк (ADB)-аас 10 сая ам.долларын санхүүжилт авах гэрээнд гарын үсэг зураад байгаа юм. 
 

Зээлжих зэрэглэлийн дэлгэрэнгүй тайлантай танилцах: https://mira.mn/index.php/mn/834-2/

Эх сурвалж: Инвескор ББСБ ХК

Хэрэв танд илүү дэлгэрэнгүй мэдээлэл, судалгаа, зөвлөгөө хэрэгтэй бол дараах линкээр бүртгүүлээрэй. Бүртгүүлэх: https://tavanbogdcapital.com/FeaturedItem/756956