ГОЛ ӨНЦӨГ:

• “ХААН Банк” 2022 онд нийт ₮448.8 тэрбумын цэвэр ашигтай ажиллаж, ашгийн хэмжээгээрээ ТОП 100 ААН-ийн 1-р эрэмбэлэгдлээ.
• Мөн сүүлийн 5 жилийн турш тасралтгүй эхний ТОП 5 дотор багтсан цорын ганц банк, санхүүгийн салбарын компани юм.
• “ХААН Банк” нь 4 сард IPO хийж, олон нийтээс ₮183.4 тэрбум амжилттай татан төвлөрүүлсэн ба хоёрдогч зах зээлийн арилжаа эхэлснээс хойш хувьцааны ханш нь 16% өгөөжтэй байна.

ХААН Банк “ТОП 100 аж ахуй нэгж”-ийн 2-рт эрэмбэлэгдлээ.

   Монгол Улсын Засгийн газар, МҮХАҮТ хамтран жил бүр уламжлал болгон Монгол Улсын “ТОП 100 аж ахуйн нэгж”-ийн шалгаруулдаг билээ. Тэгвэл өчигдөр буюу 2023/05/18-ны өдөр 2022 оны “ТОП 100 аж ахуйн нэгж”-ийг тодруулж, шагнал гардуулах ёслол боллоо. 

 “ХААН Банк”-ны хувьд уг нэр хүндтэй шалгаруулалтыг зарласнаас хойш 20 гаруй жилийн турш тэргүүлэгчдийн эгнээнд тогтмол нэрлэгдэж ирсэн бөгөөд сүүлийн таван жил дараалан эхний 4-т эрэмбэлэгдэж байсан бол энэ жил 2 байр ахин анх удаагаа аман хүзүүнд эрэмбэлэгдлээ. Монгол улсын томоохон банкнууд тогтмол “ТОП 100 аж ахуйн нэгж”-д шалгардаг боловч сүүлийн 5 жилийн турш тасралтгүй эхний ТОП 5 дотор багтсан цорын ганц банк, санхүүгийн салбарын компани нь “ХААН Банк” юм.

ХААН Банк ашгийн хэмжээгээрээ ТОП 100 ААН-ийн 1-р эрэмбэлэгдлээ.

   “ТОП 100 аж ахуйн нэгж”-ийг шалгаруулахдаа дээрх 5 хүчин зүйлсийг голлон авч үздэг билээ. Тэгвэл “ХААН Банк”-ны хувьд 2022 онд нийт ₮448.8 тэрбумын цэвэр ашигтай ажиллаж, ашгийн хэмжээгээрээ ТОП 100 ААН-ийн 1-р эрэмбэлэгдлээ. Мөн нийт хөрөнгийн хэмжээ нв ₮1,515.4 тэрбум хүрснээр “Оюу Толгой” ХХК-ийн араас буюу 2-р эрэмбэлэгдэж байна. Тус банкны хувьд 11,000 гаруй ажлын байрыг бий болгож, Монгол улсын 2.7 сая хүм амд банкны үйлчилгээг үзүүлдэг хамгийн том банк билээ.

“ТОП 100 аж ахуйн нэгж”-ийн 9 нь хувьцаат компани байна.

  Нийт “ТОП 100 аж ахуйн нэгж”-д шалгарсан 100 компанийн 91 нь Хязгаарлагдмал хариуцлагатай компани (ХХК) байгаа бол үлдсэн 9 компани нь хувьцаат компани (ХК)  байна. Уг 9 хувьцаат компанийн нэг нь “ХААН Банк” юм.

   “ХААН Банк” нь 2023 оны 4 сард IPO хийж, олон нийтээс ₮183.4 тэрбум амжилттай татан төвлөрүүлсэн. Тэгвэл 2023 оны 5 дүгээр сарын 1-ний өдрөөс тус компанийн үнэт цаасны хоёрдогч зах зээлийн арилжааг "KHAN" үсгэн кодтойгоор эхэлсэн билээ. Тэгвэл 2023/05/18 өдөр тус компанийн хоёрдогч зах зээлийн 14 дэх өдрийн арилжаа явагдаж хувьцааны ханш ₮1,112 дүн дээр хаагдсан. Энэ нь IPO хийсэн үнийн дүнгээсээ (₮959) 16% өссөн үзүүлэлт юм. 

Хэрэв танд илүү дэлгэрэнгүй мэдээлэл, судалгаа, зөвлөгөө хэрэгтэй бол дараах линкээр бүртгүүлээрэй. Бүртгүүлэх: https://tavanbogdcapital.com/FeaturedItem/756956