"ХААН БАНК IPO" 4 сарын 13-ны өдрөөс 19-ны өдрийн 19:00 цаг хүртэл үргэлжилж буй билээ. Өнөөдрийн 11 цагийн байдлаар нийт 278.56 тэрбум төгрөгийн захиалга ирсэн бөгөөд үүнээс стратегийн хөрөнгө оруулагчийн захиалга 155.9 тэрбум төгрөг, олон нийтийн захиалга 122.7 тэрбум төгрөгийн захиалга ирсэн байна. 

"ХААН БАНК IPO"-ийн хувьд нийт 183.4 тэрбум төгрөгийг олон нийтээс татан төвлөрүүлж байгаа бөгөөд тус захиалгын дүнгийн 85% буюу 155.9 тэрбум төгрөгийг стратегийн хөрөнгө оруулагчаас татан төвлөрүүлж байна. Иймд тус стратегийн хөрөнгө оруулагч нарын захиалга 100% биелнэ. Харин үлдсэн 27.5 тэрбум төгрөгийг жижиглэнгийн хөрөнгө оруулагч нарт хуваарилах бөгөөд захиалгын дүн давсан тохиолдолд 30,000-аас доош тооны харилцагч захиалга өгсөн тохиолдолд харилцагч бүрийн 500,000₮ хүртэлх захиалга 100%, харин 30,000-аас дээш тооны харилцагч захиалга өгсөн тохиолдолд харилцагч бүрийн 300,000₮ хүртэлх захиалга 100%, давсан захиалгын дүнг доорх аргаар тооцоолон хувь тэнцүүлнэ. 

Өнөөдөр та ХААН БАНК IPO-д захиалга өгөхийг хүсвэл дараах зааврын дагуу захиалга өгнө үү.  Мөн та ipo.khanbank.com-оор захиалга шалгах цэсээр тухайн веб сайтаар өгсөн захиалгаа амжилттай илгээсэн эсэхийг шалгах боломжтой. Анхдагч зах зээлийн хувьцааны захиалга авч дууссанаас хойш хувьцааны хувиарлалт 5-7 хоногт хийж таны үнэт цаасны дансанд байршиж, харагдана.