• Тайлант хугацаанд нийт 22.0 тэрбумын ашигтай ажиллаж өмнөх оны үетэй харьцуулахад 112% өссөн үзүүлэлттэй байна. 
• Харилцах, хугацаагүй хадгаламжийн хүүг тэглэснээр цэвэр хүүгийн зардал 9.6% хувиар буюу 35 тэрбум төгрөгөөр буурсан нь ашигт ажиллагааг дэмжсэн гол хүчин зүйл байв. 
• Тайлант хугацаанд өмнөх оны мөн үетэй харьцуулахад хөрөнгө оруулалт 198 тэрбум, нийт зээл 230 тэрбум төгрөгөөр буюу өмнөх оны мөн үеэс 7.6% өссөн  байна. 

    2020 оны эхнээс тасралтгүй буурч байсан нийт зээлийн хэмжээ өмнөх оны мөн үеэс 7.6% өсөж, 3.2 их наяд төгрөг болоод байна. Мөн зээлийн багцад эзлэх чанаргүй зээлийн хувь 7.6% гарсан бөгөөд үүнээс өнгөрсөн онд Ковидын нөлөөгөөр муудсан зээлийн чанар аажим сэргэж буй эерэг дүр зураг харагдаж байна. Харин хадгаламжийн эх үүсвэр өмнөх оны мөн үеэс 2.1% буурч, 3.6 их наяд төгрөг болсон байна.

    Голомт банкны хувьд нийт хүүгийн орлого өмнөх оны мөн үеэс 1% өсөж, 576 тэрбум төгрөгт хүрэхэд үнэт цааснаас олсон орлого голлох үүргийг гүйцэтгэсэн байна. Өнгөрсөн онд харилцах данс болон хугацаагүй хадгаламжид тооцох хүүг тэглэснээр тайлант улирлын хүүгийн зардал нь өнгөрсөн оны мөн үетэй харьцуулахад 30 гаруй тэрбум төгрөгөөр буюу хүүгийн зардал өмнөх оны мөн үеэс 9.6% буурсан нь ашигт ажиллагааг хамгийн их дэмжив. Харин ханш, үнэлгээний тэгшитгэлийн орлого огцом буурсан нь уг өсөлтийг саарууллаа. Голомт банк нь ханшийн тэгшитгэлээс нийт хүүгийн орлогын дунджаар 10%-тай тэнцэхүйц хэмжээний орлогыг олдог бөгөөд хэлбэлзэл өндөртэй байдаг.