Хөрөнгийн зах зээл уналт үзүүлснээр хөрөнгө оруулагчид зах зээл эрсдэлтэй гэж үзэн алтанд хөрөнгө оруулалт ихээр хийж, алтны ханш хүчтэй өсөлт үзүүлж байна.

Алтаар баталгаажсан хамгийн том сан болох SPDR Gold Shares нь 2004 онд бүртгэлтэй болсноос хойш өнгөрсөн баасан гарагт 1.63 тэрбум ам.долларын үнэлгээтэй болсон нь хамгийн өндөр үзүүлэлт боллоо.

Энэхүү өсөлт нь энэ долоо хоногт болох Холбооны Нөөцийн Сангийн хурлын өмнө болсон бөгөөд эдийн засагчид 3-р сард хүүгээ өсгөх эхлэлийг тавина гэж үзэж байна.

ХНС бодлогын хүүгээ чангаруулахад бэлэн байгаа нь зах зээлд алтны эрэлтийг бууруулж болзошгүй байгаа ч хөрөнгийн зах зээлийн уналт, Украины асуудлаарх АНУ-Оросын хурцадмал байдал, биткойны уналт зэргээс шалтгаалан алтны ханш өсөлт үзүүлж байна.

Гэвч Дэлхийн төв банкнууд цар тахлын үеийн хурцадмал байдлыг бууруулж эхэлсэн бөгөөд Ковид-19-ийн омикрон хувилбарын олон нийтэд үзүүлэх хохирол бага байсан тул хөрөнгө оруулагчид алтыг цаашид сонирхохгүй байх эрсдэлтэй.

Эх сурвалж: https://www.mining.com