Өнөөдөр буюу 2021 оны 12-р сарын 22-ны өдөр УИХ-ын түр хороо хуралдаж дүгнэлт гаргаснаар, Засгийн газраас өргөн мэдүүлсэн  “Оюу-Толгойн ордноос МУ-ын хүртэх үр ашгийг хангуулах арга хэмжээний тухай” тогтоолын төслийг хэлэлцэх юм байна. 

МУ-ын эрх ашгийг хангуулах тухай 92-р тогтоолын хэрэгжилтийг хангах зорилгоор,  Монгол Улсын Засгийн Газар болон Оюу Толгойн төслийн гадаадын хөрөнгө оруулагч талын саналыг харгалзан үзэж, дараах арга хэмжээг МУ-ын хууль, тогтоомжийн дагуу авч хэрэгжүүлэхийг МУ-ын Засгийн газраас зөвшөөрч буйгаа мэдэгдлээ.

Тогтоолын төслийн агуулга:

I заалт

1. Оюу Толгой төслийн Монгол Улсын Засгийн Газрын эзэмшлийн 34%-д ногдох нийт 2.3 тэрбум ам.долларын өрийг 100% тэглэх;
2. Далд уурхайн бүтээн байгуулалтын төлөвлөлтийг цуцлах, дуусгавар болох;
3. Оюу Толгойн далд уурхайн бүтээн байгуулалтын төслийн санхүүжилтэд хөндлөнгийн аудит оруулах;
4. Гүний уурхай ашиглалтад орж олборлолт эхлэх хугацаа буюу 2023 оны 2-р улирал хүртэлх нэмэлт зардлыг хөрөнгө оруулагч тал 100% хариуцаж Оюу Толгой ХХК-д нэмэлт өр үүсгэхгүй байх;
5. Оюу Толгой компанийн засаглалыг сайжруулах, Монгол Улсын эрчим хүчний нэгдсэн сүлжээнээс Цахилгаан эрчим хүчээр хангах гэрээ байгуулах; төслийн байгаль орчин, нийгэм, засаглалыг сайжруулах чиглэлээр хамтран ажиллах;
6. Татварын актын биелэлтийг хангуулах, цаашид нэг мөр ойлгон хүлээн зөвшөөрч, хэрэгжүүлж ажиллах.

II заалт: Дээрх зургаан арга хэмжээг бүрэн авч хэрэгжүүлж дууссанаар МУ-ын эрх ашгийг хангуулах 92-р зүйл заалт хэрэгжсэн гэж үзсүгэй хэмээжээ.

 Эх үүсвэр: Монгол Улсын Засгийн Газрын цахим мэдэгдэл