Дотоодын томоохон компаниудын хувьцаа энэ сард өндөр өсөлт үзүүлсээр байна. Тэр дундаа Түмэн Шувуут ХК-ийн ханш сарын эхнээс өнөөдрийг хүртэл 52.3% өсөж, өнөөдрийн хаалтаар 651.78 төгрөгт хүрлээ. Хэрэв өсөлтийг жилийн эхнээс тооцвол 3 дахин өссөн үзүүлэлт болж байна. Компанийн борлуулалт 2021 оны III улирлын байдлаар 2020 оны бүтэн жилийн борлуулалтаас 8%-иар илүү буюу 27.4 тэрбум төгрөгт хүрсэн бол цэвэр ашиг нь 38%-р өсч, 5.5 тэрбум төгрөгт хүрсэн юм. Мөн Түмэн шувуут-2 төслийн шинэ барилгын ажлууд амжилттай явагдаж байгаа нь ийнхүү хувьцааны өсөлтийг дэмжиж байна.

2021 оны 3-р улирлын байдлаар компанийн компанийн цэвэр ашиг өссөнөөр үнэ ашгийн харьцаа (P/E) харьцаа 11.62  болсон байна. 

Эх сурвалж: Монголын хөрөнгийн бирж, компанийн улирлын тайлан