Банкуудын хадгаламжийн хүүгийн түвшин ковид эхэлснээс хойшхи хугацаанд 4.23 хувиар буурч 7.19 хувьд (нийт төгрөгийн хадгаламжийн үлдэгдэлд жигнэж тооцсон хүү) хүрлээ. Үүний хэрээр Биржийн бус зах зээлд бонд гаргах замаар компаниуд зардлаа хэмнэж, нөгөө талдаа хөрөнгө оруулагчид харьцангуй эрсдэл багатайгаар өндөр өгөөж хүртэх боломж бүрдээд байгаа билээ. 

Нийт төгрөгийн хугацаатай хадгаламжийн хүү

Хүүгийн түвшин эргэн богино хугацаанд өндөр хувиар өсөх боломжгүй байгаа тул иргэд, ААН-үүдийн хувьд хэрхэн эрсдэлгүйгээр мөнгөө өсгөх вэ? хэмээх асуулттай тулгарч байна. Үүнтэй зэрэгцэн банкуудын харилцах ба хугацаагүй хадгаламж хүүгүй болсон нь эдийн засаг, санхүүгийн зах зээлээс иргэд, ААН-үүдэд өгч буй хүндхэн гэрийн даалгавар болоод байна.

Тэгвэл зах зээлийн нөхцөл байдалтай уялдуулан “Таван Богд Капитал ҮЦК” ХХК нь Говь ХК-ийн санхүүжилтийн зардлыг бууруулсан атлаа хөрөнгө оруулагчдад өндөр өгөөж санал болгосон 10 тэрбум төгрөгийн “бүрэн хөрвөх чадвартай” хаалттай бондыг Биржийн бус зах зээлд гарган 10 секундэд амжилттай босгож чадлаа. 

Уг бондыг уул уурхай, дэд бүтцийн салбарын тэргүүлэгчид, хамгийн том хувийн хөрөнгө оруулалтын сан, банк бус санхүүгийн байгууллагууд болон зах зээлдээ тэргүүлэгч худалдаа үйлчилгээний компаниуд худалдан авсан нь мэргэжлийн хөрөнгө оруулагчдын санхүүгийн хэрэгцээг бүрэн хангаж буйг илтгэсэн үйл явдал боллоо. 

Уг бондын гол ялгарал, давуу тал нь бонд худалдан авагч өөрийн авсан бондыг хүссэн үедээ эргүүлэн худалдах боломжтой бөгөөд өөрийн бондын мөнгийг хадгалсан хоногийнхоо хүүний хамтаар эргүүлэн авах юм. Энэ нь компаниудын харилцах данс, хугацаагүй хадгаламжинд ямар ч хүүгүй унтаж буй мөнгийг ажиллуулж хүүний орлоготой болгож буй хэрэг юм. 

“Таван Богд Капитал ҮЦК” ХХК-ийн гаргасан энэхүү бонд нь дээрх хөрвөх чадварын асуудлыг хангаад зогсохгүй, үнэт цаас гаргагч талдаа санхүүжилтийн зардал хэмнэж чадсан бүтээгдэхүүн болсон гэдгээрээ давхар онцлогтой. Бид цаашид хөрөнгийн зах зээлд шинэлэг, чанартай, хөрөнгө оруулагчдын санхүүгийн хэрэгцээг бүрэн хангасан бүтээгдэхүүн үйлчилгээг тогтмол нэвтрүүлэн ажиллах болно.

Говь ХК-ийн тухай товч

Говь ХК нь дотоодын ноолуурын зах зээл дэх хамгийн том тоглогч төдийгүй ноолууран пальто үйлдвэрлэлээ дэлхийд тэргүүлдэг, Монголын хөрөнгийн биржийн I ангилалд бүртгэлтэй нээлттэй хувьцаат компани (11 сарын байдлаар 21 мянга гаруй хувьцаа эзэмшигчидтэй) юм. 

Та уг бонд болон биржийн бус зах зээлд гарж буй өндөр хүүтэй бондуудын мэдээллийг тогтмол авахыг хүсвэл дараах холбоосоор бидэнд хандана уу.

БОЛОМЖОО БОДИТ БОЛГО

“ТАВАН БОГД КАПИТАЛ ҮЦК” ХХК

*************************************************

📲 Холбоо барих: 9400-4442, 9405-4441, 7272-7282

🌐 www.tavanbogdcapital.com

✉️ cr@tavanbogdcapital.com

📍 Байршил: Сүхбаатар дүүрэг, 8-р хороо, Их эзэн Чингис хааны нэрэмжит Талбай-16, Галлериа-Улаанбаатар барилга 1 давхарт