ГОЛ ӨНЦӨГ

• TOП20 индекс 2025 оны эхнээс 1.2%-аар буурч 49,279.3 нэгж болов.
• A/D Line-ийн өөрчлөлт нь зах зээлийн өргөн хүрээний идэвхтэй байдлыг илэрхийлж байна.
• Өнөөдөр KHAN хувьцаа арилжааны идэвхээр тэргүүлсэн бөгөөд 92.1 сая төгрөгийн арилжаа хийгдлээ.
• “Хувьцааны хуримтлал" багц 2023 оноос хойш 19.3%-ийн өсөлттэй байна.

ТОП20 ИНДЕКС ХЭРХЭН ӨӨРЧЛӨГДӨВ?

   TOП20 индекс 49,279.3 нэгжид хүрсэн нь өмнөх өдрийн хаалтын ханштай харьцуулахад 0.4% буурсан үзүүлэлт боллоо. Хэрэв 2025 оны эхэнд ₮1,000,000 -р хөрөнгө оруулалт хийсэн бол буурч 961,000 төгрөг болох байжээ. 

    Advance-Decline Line (A/D Line) өсөх хандлагатай байгаа нь зах зээлийн идэвх нэмэгдэж, хөрөнгө оруулагчдын оролцоо өсөж буйг илтгэж байна. Энэ нь өсөж буй болон буурч буй хувьцааны тооны зөрүү дээр үндэслэдэг тул зөвхөн цөөн тооны томоохон хувьцаа биш, харин олон компаниудын хувьцааны ханшийн өсөлтийг харуулдаг.

ХАМГИЙН ХАМГИЙН...

   Арилжааны үр дүнд ханш нь хамгийн өндөр өссөн хувьцаат компани нь Тэнгэрлиг медиа групп ХК, Монгол алт ХК, Талх чихэр ХК, Би ди сек ХК болон Сүү ХК -ууд байсан ба өсөлт нь 4.0%-аас 14.3%-ийн хооронд хэлбэлзлээ.
     Харин арилжааны үр дүнд ханш нь хамгийн өндөр буурсан хувьцаат компаниуд нь Тэнгэр Даатгал ХК, Крипто Үндэстэн ХК, Авто зам ХК, Айтүүлс ХК болон Монгол шуудан ХК -ууд байсан ба бууралт нь 1.1%-аас 10.0%-ийн хооронд хэлбэлзсэн байна.

АРИЛЖААНЫ ИДЭВХЭЭР ТЭРГҮҮЛСЭН ХУВЬЦААНУУД ХЭР ӨСӨЛТТЭЙ БАЙНА ВЭ?

ХУВЬЦААНЫ ХУРИМТЛАЛ

   Манай компани 2023 оноос эхлэн 7 хоног бүр 250,000 төгрөгөөр хувьцаа худалдан авч "Хувьцааны Хуримтлал" багцыг бүрдүүлсэн бол 2024 оноос эхлэн худалдан авалтын үнийн дүнгээ 2 дахин нэмж 7 хоног бүр 500,000 төгрөгөөр худалдан авалт хийж "Хувьцааны Хуримтлал" багцыг бүрдүүлээд байна. "Хувьцааны Хуримтлал" -тай нэгдэхийг хүсвэл: https://tavanbogdcapital.com/FeaturedItem/34015987