🎯ГОЛ ӨНЦӨГ🎯

📌Премиум Нексус ХК нь 15 аймагт үйл ажиллагаагаа өргөжүүлж, 495 салбартайгаас орон нутагт 82 салбар үйл ажиллагаа явуулж байна. 

📌CU дэлгүүрийн борлуулалтын орлого 53% өсөж ₮358.3 тэрбумд хүрч цэвэр ашиг өмнөх оны мөн үеэс 48% өсөж ₮15.7 тэрбумд хүрлээ  

📌Шинэ дэлгүүрүүд нээгдсэнээр жижиглэн худалдааны стандарт сайжирч, өрсөлдөөн нэмэгдэж байна. 

📌Хувьцаа харьцангуй хямд үнэлэгдэж байна.

Премиум Нэксус ХК нь 2024 оны Монгол улсын ТОП 100-н аж ахуйн нэгжийн 7-р байранд шалгараад буй билээ. Эхний хагас жилд 58 шинэ дэлгүүр нээж, 8 дэлгүүр хааснаар нийт 495 дэлгүүртэй болсон. Ингэснээр хотод 416, орон нутагт 82 дэлгүүр үйл ажиллагаа явуулахын зэрэгцээ 7 охин компанитайгаар үйл ажиллагаа явуулж байна. 
💰САНХҮҮГИЙН ҮЗҮҮЛЭЛТҮҮД 

2025 оны хагас жилд санхүүгийн үзүүлэлтүүд бүгд өсөж, нийт борлуулалт 362.1 тэрбум төгрөгт хүрч, өмнөх оноос 53%-ийн өсөлттэй байна. Цэвэр ашиг 15.7 тэрбум төгрөг болж, 48%-ийн өсөлттэй гарлаа. Нийт хөрөнгийн хэмжээ 47% өсөж ₮358.3 тэрбумд хүрсэн байна. Харин өнгөрсөн жилүүдийн хуримтлагдсан алдагдал ашигт ажиллагааны үр дүнд 32% бууруулж ₮99 тэрбумаас ₮68 тэрбумд хүргэсэн байна.

ҮНЭЛГЭЭНИЙ ХАРЬЦАА БОЛОН БУСАД ҮЗҮҮЛЭЛТҮҮД

2024 онд 5.2%-ийн цэвэр ашгийн маржинтай ажилласан бол 2025 онд 1 нэгж хувиар бууж 4.3% болсон байна. Компани нь IPO зарлахдаа 140 салбар дэлгүүртэй байсан бол өдгөө 495 салбартай болж үүний 84% нь Улаанбаатар хотод үйл ажиллагаа явуулж буй харин ийм өсөлтөд хүрэхийн тулд компани 2023 он гэхэд ₮110 тэрбумын алдагдалтай 100%-с дээш өрийн харьцаа явсан билээ. Өнөөгийн байдлаар өрийн харьцааг 72% байлгаж алдагдлыг ₮68-д хүргэсэн байна. Цаашдаа ч илүү сайн ажиллах төлөвтэй байгаа билээ.Харин өөрийн хөрөнгийн өгөөж болон нийт хөрөнгийн өгөөж тус тус 19.6% ба 4.4% болж өссөн байна. Ү
Компани нь 2024 онд нэг удаагийн дахин үнэлгээний орлого буюу үндсэн үйл ажиллагаатай холбоогүй ашгийг олсон тул энэ нь компанийн жилийн ашгийг бодит бус байдлаар өндөр болгосон байна.

Тиймээс бид 2024 оны 2-р хагасын нэг удаагийн дахин үнэлгээний ашгийг хасч, зөвхөн үндсэн үйл ажиллагааны тогтвортой буюу цэвэр ашгиар тооцож үзэхэд компанийн бодит P/E харьцаа нь 6.6 болж байна.

P/E (Үнэ-Ашгийн харьцаа) нь хувьцааны үнэ тухайн компанийн нэгж ашгаас хэд дахин өндөр байгааг харуулдаг бөгөөд 6.6 гэсэн энэ харьцаа нь хөрөнгө оруулагчид тус компанийн нэг төгрөгийн ашгийн төлөө 6.6 төгрөг төлөхөд бэлэн байна гэсэн утгатай юм.

Ингэснээр компанийн хувьцаа нь салбарын дундаж үзүүлэлттэй харьцуулахад харьцангуй хямд үнэлгээтэй буюу өсөлтийн боломжтой гэдгийг илэрхийлж байна.
"P/E харьцаа нь нэгж ашгийн төлөө хэдэн төгрөг төлөхөд бэлэн байгааг харуулдаг. Нэг удаагийн орлогыг хассан бодит ашгаар тооцсон CU компанийн P/E нь 6.6 байгаа нь хувьцаа харьцангуй хямд үнэлгээтэй байгааг илтгэнэ."

ХАНШИД ЯМАР ӨӨРЧЛӨЛТ ГАРАВ

Анх гарахдаа компанийхаа 15%-ийг нэгж хувьцаагаа ₮208-өөр санал болгож ₮24.9 тэрбумын хөрөнгийг татан төвлөрүүлж байв. 2025 ны 8 сарын 1-ны хаалтын ханшаар ₮201 дээр хаагдсан ба IPO ханшаасаа 3.4%, сарын өмнөх ханшаасаа 1.4% унаад байгаа билээ. Харин жилийн өмнөх ханшаасаа 5.8% өссөн сайн үзүүлэлттэй байна.