Азийн зах зээл: Хятадын ардын банкнаас мөнгөний нийлүүлэлтийг нэмэгдүүлж, зээлийн өртгийг бууруулж өсөлтийг дэмжихээ амлав.
ГОЛ ӨНЦӨГ
- Хятадын ардын банкнаас мөнгөний нийлүүлэлтийг нэмэгдүүлж, зээлийн өртгийг бууруулж өсөлтийг дэмжихээ амлав.
- Хонг Конгын хөрөнгийн бирж хувцьааны арилжааны идэвхийг нэмэгдүүлж, зардлыг багасгах зорилгоор арилжааны спредын /”spread”/ доод хэмжээг бууруулав.
- “Leapmotor”, “Xpeng” нарын борлуулалт 7 –р сард дээд түвшиндээ хүрчээ.
Даваа гарагийн 11:53 цагт Хонг Конгын хөрөнгийн биржийн “Hang Seng” индексийн фьючерс ханш 0.55% өсөж 24,585 нэгжид хүрэв, “Hang Seng Tech” индекс 0.96% өсөв, “CSI 300” индекс 0.01% унав. Азийн бусад захын хувьд Японы “Nikkei 225” индекс 1.33% унав, Австралийн “S&P/ASX 200” индекс 0.16% унав, БНСУ -н “KOSPI” индекс 0.96% өсөв.
Эх сурвалж: Таван Богд Капитал ҮЦК
ХОНГ КОНГЫН ХӨРӨНГИЙН ЗАХ ЗЭЭЛ
Онцлох хөдөлгөөн: INNOSCIENCE /2577.HK/ 12.3% өсөж 64.7 HKD, LAOPU GOLD /6181.HK/ 5.5% өсөж 728.0 HKD, AKESO /9926.HK/ 4.2% унаж 149.70 HKD хүрсэн.
Хонг Конгын хөрөнгийн бирж “HSI” индекс 0.55% -н өсөлттэй.
Өнөөдөр Азийн 3 дахь том бирж болох Хонг Конгын хөрөнгийн биржээс 300 гаруй хувьцааны арилжааны спредийн доод хэмжээг бууруулж, арилжааны зардлыг багасгахаа мэдэгдлээ. Энэ нь арилжааны хэмжээг нэмэгдүүлэх эерэг нөлөөтэй билээ.
Тодруулбал HK$10-HK$20 үнээр арилжаалагддаг хувьцааны хамгийн бага спред 50% багасаж, HK$0.01 болсон бол HK$20-HK$50 үнээр арилжаалагддаг хувьцааны доод спред 60% багасаж, HK$0.05 –с HK$0.02 болжээ.
Хонг Конгын ЗГ –с хөрөнгийн зах зээлийг дэмжих санаачилгын хүрээнд спредийн хэмжээг танасан. 2025 оны эхний хагаст өдрийн дундаж арилжааны хэмжээ 2 дахин нэмэгдэж HK$240 тэрбумд хүрсэн, “HSI” индекс 24% өссөн таатай үед уг дэмжлэг хэрэгжиж эхэллээ.
Ирээдүйд HK$0.5-HK$10үнээр арилжаалагддаг хувьцааны хамгийн бага спредийг HK$0.01 –с багасгаж, HK$0.005болгох мөн төлбөр тооцоо хийгдэх 2 хоногийн хүлээлгийг 1 хоног болгон багасгах боломжтой ажээ.
ХЯТАДЫН АРДЫН БАНК
Баасан гарагт Хятадын Ардын Банкнаас 2025 оны II хагаст заавал байлгах нөөц болон хүүгийн хэмжээг бууруулж зохих хэмжээний мөнгөний зөөлөн бодлого баримталж санхүүжилтийн өртгийг бууруулахаа амлалаа.
Нөгөө талаас “Economist Intelligence Unit” –н БНХАУ хариуцсан ахлах эдийн засагч Xu Tianchen –ний зүгээс Хятадын Ардын Банк заавал байлгах нөөц болон хүүгийн хэмжээг энэ III улиралд буулгахгүй байх гэв. Учир нь өнгөрсөн 7 хоногт болсон ХКНамын Төв Хорооны Улс Төрийн Товчооны хурлаар эрх баригчид одоогийн эдийн засгийн гүйцэтгэлд сэтгэл хангалуун буй нь ажиглагдсан гэжээ. Тиймээс хэт их дэмжлэгийн оронд зохистой хэмжээгээр, зөв цагт дэмжлэг орж ирнэ хэмээн өөрийн үзэл бодлоо илэрхийлжээ.
“LEAPMOTOR” & “XPENG”
Ханжоу хотод төвтэй “Leapmotor” 7 –р сард 50,129 ширхэг автомашин борлуулж, сарын борлуулалтын дээд амжилтаа 3 сар дараалан эвдлээ. Борлуулалт 7 –р сард YoY +127%, өмнөх 6 –р сартай харьцуулахад MoM +4.4 өсжээ.
Гуанжоу хотод төвтэй “Xpeng” 7 –р сард 36,717 ширхэг автомашин борлуулсан нь өмнөх сараас MoM +6.1% өссөн, өмнөх жилийн мөн үеэс YoY +229% өссөн үзүүлэлт болжээ. Энэ нь өмнөх дээд амжилт болох 2024 оны 12 –р сарын борлуулалт 36,695 ширхгийг эвдсэн үзүүлэлт боллоо.
Борлуулалт сайн буйг Шанхайн “Yiyou Auto Service” –н автомашины борлуулалтын менежер Tian Maowei –н зүгээс “Үнэ харьцангуй хямд болон технологийн хувьд өрсөлдөх чадвар” хэмээн тайлбарлажээ. Түүний үзэж буйгаар ихэнх автомашин худалдан авагчид ажлын байрны тогтворгүй байдал ба цалингийн хүлээлтээс шалтгаалан хямд автомашин сонирхож байгаа ажээ.
Азийн биржийн арилжаанд оролцох
ЭХ СУРВАЛЖ:
https://www.bloomberg.com/
Түлхүүр үг:
Арилжаанд оролцох
Хувьцаа болон Брокертой асуудлаа мэргэжилтнүүдэд даатгаад та өөрийн ажлаа амжуул.
