ГОЛ ӨНЦӨГ:

• Үндэсний хэмжээний хамгийн том банк болох Хаан банк НҮБ-ын Тогтвортой хөгжлийн 17 зорилтыг биелүүлэхэд чиглэсэн санхүүжилт нэмэгдүүлэх зорилтыг хэрэгжүүлдэг.
• Хаан банк дотоодын анхны жендер бондыг хөрөнгийн зах зээлд нээлттэй санал болгон арилжаалах зөвшөөрлийг МХБ, СЗХ-оос авлаа.
• Санхүүгийн хүчирхэг үзүүлэлт бүхий нээлттэй хувьцаат компанийн бондыг эзэмшиж, тогтмол өгөөж хүртэхээс гадна нийгмийн хариуцлагатай хөрөнгө оруулалт хийх боломжийг санал болгож байна.

Жендер бонд нь эмэгтэйчүүдийн боловсрол, эрүүл мэнд, эдийн засгийн оролцоог дэмжих төсөл, хөтөлбөрийг санхүүжүүлэхэд чиглэсэн жендерийн тэгш байдлыг дэмжих зорилготой. Монголын анхны жендер бондыг банкны салбарын тэргүүлэгч, Монголын хөрөнгийн биржийн I ангилалд бүртгэлтэй нээлттэй хувьцаат компани ХААН Банк (MSE: KHAN) гаргаж байна.

Санхүүгийн зохицуулах хорооны 2025 оны 06 дугаар сарын 26-ны өдрийн 258 дугаар тогтоол, "Монголын хөрөнгийн бирж" ХК-ийн Гүйцэтгэх захирлын Өрийн хэрэгсэл бүртгэх тухай 2025 оны 06 дугаар сарын 23-ны өдрийн А/256 дугаар тушаалаар бүртгэгдсэн "Хаан банк" ХК-ийн “Жендер бонд" өрийн хэрэгслийн анхдагч зах зээлийн арилжааны захиалга 2025 оны 07 дугаар сарын 07-ны өдрөөс эхэлнэ. 

Бондын нэр: Жендэр бонд

Бондын тоо ширхэг: 300,000 ширхэг

Бондын нэрлэсэн үнэ: 100,000 төгрөг

Бондын нийт үнийн дүн: 30,000,000,000 төгрөг

Бондын хүү/өгөөжийн хувь хэмжээ: Жилийн 16 хувь

Бондын хугацаа: 36 сар

Бондын хүү төлөгдөх давтамж: Хагас жил тутамд

Бондын үндсэн төлбөр төлөх хугацаа: Хугацааны эцэст

Хүүгийн татвар: 5 хувь

Хүүгийн эрсдэл: Хаан банк Fitch ratings B+ (тогтвортой ангилал)

Жендер бондын үнэт цаасны танилцуулгатай Хаан банк болон Монголын хөрөнгийн биржийн цахим хуудсаар орж танилцах боломжтой. Энэхүү бондыг авахаар сонирхож буй эрхэм хөрөнгө оруулагч та бүхэн дэлгэрэнгүй мэдээлэл авахыг хүсвэл бидэнд хандана уу. 

Захиалгыг 07 дугаар сарын 09-ний өдөр хүртэл өгөх боломжтой. Татан төвлөрүүлэх нийт үнийн дүн 100 хувь бүрдмэгц захиалга хаагдахыг анхаарна уу.

Бондын захиалга өгөх: Жендэр Бонд