Гол өнцөг:

• Холбооны Нөөцийн Сан бодлогын хүүгээ 0.25%-иар нэмэгдүүлэх магадлал хамгийн их байгаа бөгөөд хурлын дараах ХНС-ийн тэргүүний мэдэгдэл зах зээлд чухал нөлөө үзүүлэхээр байна.
• Он гарснаар хойш Технологийн салбар өсөлттэй байсан бол Засгийн Газрын бондын өгөөж буурсан нь зах зээл 2023 оныг эергээр хүлээж байгааг харуулж байна.

АНУ-ын зах зээл:

Холбооны Нөөцийн Сан[ХНС] Лхагва гаригийн хуралдааны дараа бодлогын хүүгээ 0.25%-иар нэмэгдүүлэх төлөвтэй байна. Хэрвээ ХНС зах зээлийн хүлээлтийн дагуу бодлогын хүүгээ 0.25%-иар нэмбэл энэ нь өнгөрсөн оны гуравдугаар сараас хойших хамгийн бага хэмжээгээр өсгөсөн тохиолдол болох юм.  Хэдийгээр бодлогын хүүгийн өсөлтийн хурдаа бууруулж байгаа ч инфляцын эсрэг тэмцэл дуусаагүй байгааг анхаарах хэрэгтэй.

ХНС-ийн хурал Монголын цагаар шөнийн 3:00 цагт дуусаж шийдвэрээ танилцуулахаар байна. Харин ХНС-ийн тэргүүн Jerome Powell 3:30 минутаас хэвлэл мэдээллийнхэнд мэдэгдэл хийх юм.

Хэрэв та гадаад арилжаанд оролцохыг хүсвэл дараах линкээр бүртгүүлээрэй. 

Бүртгүүлэх: https://tavanbogdcapital.com/FeaturedItem/7570

Өнгөрсөн мягмар гаригт ХНС-ийн 2 өдрийн хуралдаан эхэлснээр голлох индексүүд өсөлтөө хязгаарлаад байна. Технологийн салбар энэ сард 9.2%-ийн өсөлт үзүүллээ. Харин АНУ-ын Засгийн Газрын бондын өгөөж өнгөрсөн оны төгсгөлд 3.9% орчим байсан бол одоогоор 3.5%-ийн орчимд ирээд буй.

Шинжээчийн дүгнэлт:

Холбооны Нөөцийн Сангийн хоёр өдрийн хуралдаан эхлээд байна. Зах зээл тэр аяараа бодлогын хүүг 0.25%-иар нэмэгдүүлнэ хэмээн үзэж байна. Хэрвээ ХНС бодлогын хүүг 0.25%-иар нэмэгдүүлбэл энэ нь 2022 оны гуравдугаар сараас хойших хамгийн бага өсөлт юм. Өнгөрсөн оны гуравдугаар сараас хойш ХНС нийт 8 удаа бодлогын хүүгээ нэмснээс 4 нь 0.75%-иар нэмсэн байна. ХНС-ийн хурлын шийдвэрийн дараах ХНС-ийн тэргүүн "Jerome Powell"-ийн мэдэгдлээс зах зээлийн цаашдын тренд тодорхойлогдохоор байна.