ГОЛ ӨНЦӨГ

• АНУ –с БНХАУ дээр 34% -н тарифыг нэмж тавилаа.
• Энэ сард “Alibaba” –с өөрийн “Qwen” том хэлнийзагварын дараагийн үеийг гаргах төлөвтэй байна.
• Экспортын өсөлтийн нөлөөгөөр БНХАУ –н аж үйлдвэрийн салбар сэргэж буйг “Caixin PMI” харууллаа.
• Хонг Конгын хөрөнгийн биржийн “HSI” индекс 1.7% -н уналттай.

Даваа гарагийн 12:15 цагт Хонг Конгын хөрөнгийн биржийн “Hang Seng” индексийн фьючерс 1.7% унаж 22,820 нэгжид хүрэв, “Hang Seng Tech” индекс 2.2% -р унав, “CSI 300” индекс 0.7% унав. Азийн бусад захын хувьд Японы “Nikkei 225” индекс 3.0% -р унав, Австралийн “S&P/ASX 200” индекс 1.0% -р унав, БНСУ -н “KOSPI” индекс 0.8% -р унав, Тайваны “TAIEX” индекс 0.1% -р өсөв.

Эх сурвалж: Таван Богд Капитал ҮЦК

ХОНГ КОНГЫН ХӨРӨНГИЙН ЗАХ ЗЭЭЛ

Онцлох хөдөлгөөн: SMIC /0981.HK/ 1.3% өсөж 45.3 HKD, XIAOMI /1810.HK/ 1.3% өсөж 45.15 HKD, SHENZHOU INTL /2313.HK/ 13.8% унаж 53.3 HKD хүрсэн.

Хонг Конгын хөрөнгийн биржийн “Hang Seng” индекс өнөөдөр 0.4% -н уналттай байна. 

ГАДААД ХУДАЛДААНЫ ДАЙН

Лхагва гарагт АНУ –н ерөнхийлөгч Donald Trump –с зах зээл дээр тодорхойгүй байдал үүсгээд байсан тарифын бодлогыг бодитоор зарлаж, АНУ –н хөрөнгийн зах зээлийг хүчтэй унагалаа. Donald Trump –с бүх улс орон дээр суурь 10% тариф тавьж, зарим улсууд дээр маш өндөр хэмжээний тариф ноогдууллаа. Тодруулбал БНХАУ дээрх тарифыг 34% -р нэмэгдүүлж нийт үйлчлэх тарифын хэмжээг 67% хүртэл нэмэгдүүлсэн болЕвропын Холбооны тарифыг 20% -р, Вьетнамын тарифыг 46% -р, Тайваны тарифыг 32% -р нэмэгдүүлэв. Сонирхуулахад манай Монгол улс дээр 10% -н тарифыг суурь тарифын дагуу ноогдуулжээ.

Тэгвэл үүний хариуд улс орнуудаас янз бүрийн хариу үйлдэл бүхий мэдэгдлүүдийг хийлээ. 

Канад улсын хувьд АНУ –н тарифын эсрэг хүчтэй тэмцэж, эсрэг арга хэмжээ авна гэв. 

БНСУ –н хувьд АНУ –н тарифын нөлөөнд автсан үйлдвэр, аж ахуй нэгжүүдэд яаралтай тусламжийн арга хэмжээ авах мөн хариу тариф ноогдуулах тал дээр нарийн дүн шинжилгээ хийж АНУ –тай тохиролцох арга хэмжээ авна гэв. 

Австралийн ерөнхий сайдаас Donald Trump –н уг тарифын бодлогын “найз орны хийх үйлдэл биш” гэдгийг мэдэгдсэн хэдий ч хариу тариф ноогдуулахгүй гэдгээ мэдэгдэв.

“ALIBABA” & AI

Энэ сард “Alibaba” –с өөрийн “Qwen” том хэлний загварын дараагийн үеийг гаргах төлөвтэй байна. Тодруулбал энэ сард “Alibaba Cloud” –с “Qwen3” гэсэн шинэ том хэлний загварыг гаргана хэмээн нэрээ нууцалсан эх сурвалжуудаас мэдээлэл өгчээ.

Шинэ “Qwen3” загвар нь стандарт хувилбар болон мэргэжилтнүүдийн холимог архитектурыг ашигладаг “Qwen3-MoE” гэсэн олон хувилбартай гарна. “Qwen3-MoE” хувилбар нь үр ашигтай, хямд өртгөөр дата сургах давуу талтай бөгөөд энэ аргачлалыг ‘Deepseek” өөрийн “V3” загвараа АНУ –н томчуудтай харьцуулахад хамаагүй бага зардлаар бүтээхдээ ашигласан байна.

“Alibaba” –с цахим худалдааны бизнесээ сайжруулахын тулд хиймэл оюун ухааны технологи дээр томоохон мөрий тавьж байгаа билээ. “Alibaba” –с дараагийн 3 жилд AI хөгжүүлэхийн тулд $52 тэрбумыг зарцуулахаар төлөвлөөд буй нь БНХАУ –н хувийн компани дундах хамгийн том компьютер тооцооллын төсөл болсон юм.

ӨНГӨРСӨН СТАТИСТИК:

Caixin PMI гэдэг нь Хятадын бизнесийн мэдээ судалгааны агентлаг Caixin –с гаргадаг Caixin PMI индекс юм. Уг индексийн нэг онцлог нь судалгаанд оролцож буй байгууллагуудын нэлээдгүй хэсэг нь Хятадын зүүн өмнөд эргийн бүсэд байдагт оршдог ба тэр утгаараа тухайн бүсэд байршилтай бизнес эрхлэгчдийн үйл ажиллагаа сайжрах нь индексийг өсгөх нөлөө үзүүлдэг. Сар бүр ойролцоогоор 430 гаруй байгууллагаас асуулга авч, тухайн сарын эцэс эсвэл шинэ сарын эхээр тооцож зарладаг байна.

АНУ –н тарифын сөрөг нөлөөг үл харгалзан БНХАУ –н экспортын хэмжээ тогтвортой байж, эрэлт өндөр байсан тул өнгөрсөн 3 –р сарын “Caixin PMI” индекс 51.2 гарч өнгөрсөн сарын үзүүлэлт 50.6 болон шинжээчдийн хүлээлт 50.8–г давж гарлаа. Мэдээж уг индекс 50 –с дээш утга авсан нь аж үйлдвэрийн салбарын үйл ажиллагаа сайжирсныг харуулж байна.

Гуравдугаар сарын өсөлтөд шинэ захиалгын тоо хэмжээ өссөн тур дундаас экспортын шинэ захиалгын хэмжээ сүүлийн 11 сарын доторх хамгийн өндөр өсөлтөө үзүүлсэн нь голчлон нөлөөлөв. ШИнжээчдийн үзэж буйгаар АНУ –н импортлогчид тарифаас өмнө БНХАУ –н бараа, бүтээгдэхүүнийг их хэмжээгээр нөөцөлсний үр дүнд экспорт өслөө гэв.

“Таван Богд Капитал ҮЦК” ХХК нь харилцагчдадаа олон улсын хөрөнгийн зах зээлд шууд хөрөнгө оруулах боломжийг нээж байна. Та дараах холбоосоор бүртгүүлнэ үү: https://tavanbogdcapital.com/FeaturedItem/757033

ЭХ СУРВАЛЖ: 

http://www.aastocks.com/en/

https://www.scmp.com/

https://www.cnbc.com/

https://www.bloomberg.com/