ГОЛ ӨНЦӨГ:

• Өнгөрсөн 7 хоногт АНУ –н “PCE” индекс хүлээлтээс өндөр гарч, зах зээл уналаа.
• Ерөнхийлөгч Donald Trump –с автомашины импорт дээр нэмж 25% -н тариф тавихаар болсон нь ирээдүйд инфляцыг улам өдөөх нөлөөтэй.
• Баасан гарагт АНУ –н хөдөлмөрийн зах зээлийн хамгийн чухал статистик болох “NFP” гарах хуваарьтай.
• БНХАУ –н цахилгаан автомашины компани “Nio” шинээр хувьцаа гаргах болсноор хувьцааны ханш уналттай байна.
• “Morgan Stanley” –с “MSCI China” болон “Hang Seng Index” –н жилийн эцсийн зорилтот түвшингөө 7% гаруй өсгөлөө.

АНУ –н ЗАХ ЗЭЭЛ:

Өнгөрсөн долоо хоногт S&P500 индекс уналттай байж 5,663 ам.доллар дээр нээгдэж, 5,668 ам.доллар дээр хаагдлаа.

Өнгөрсөн долоо хоногийн онцлох мэдээлэл: 

Өнгөрсөн долоо хоногт зах зээлийн анхаарлын төвд АНУ-ын төв банкны анхааралтай ажигладаг инфляцын хэмжүүр Core PCE үзүүлэлт байлаа.

Шинжээчид уг үзүүлэлтийг энэ удаад өнгөрсөн сартай ижил буюу 2.7%-тай гарна гэж таамаглаж байсан бол хүлээлтээс өндөр буюу 2.8%-тай гарлаа. Инфляц хүлээлтээс өндөр гарч байгаа нь төв банк бодлогын хүүгээ буулгахгүй өндөр түвшинд удаан барих магадлалыг нэмэгдүүлснээр хөрөнгийн зах зээл уналт үзүүлэх шалтгаан боллоо.

Энэ үзүүлэлт нь хэрэглэгчийн талаас үнийн өөрчлөлтийг хэмждэгээрээ онцлогтой байна. Core PCE Price Index нь хоол, хүнс, эрчим хүчнээс бусад хэрэглээний зориулалтаар иргэдийн худалдан авсан бараа үйлчилгээний үнийн өөрчлөлтийг хэмждэг. 

Мөн АНУ-ын ерөнхийлөгч Доналд Трамп автомашины импорт-д 25%-н татвар тавьж эхлэхээр болсноо зарлаж энэ нь цаашид инфляцад сөрөг нөлөө үзүүлэх эрсдэлтэй тул зах зээл уналт үзүүлэх дахин нэг шалтгаан боллоо.

Энэ долоо хоногт гарах онцлох мэдээлэл: 

Энэ долоо хоногт хөдөлмөрийн зах зээлийн чухал тоон үзүүлэлтүүд зарлагдахаар хүлээгдэж байна.

Шинжээчид 3-р сард 139 мянган ажлын байр шинээр бий болсон гэж таамаглаж байгаа бол ажилгүйдлийн түвшинг 4.1%-тай гарна гэж таамаглаж байна.

Хөдөлмөрийн зах зээлийн үзүүлэлтүүд хүлээлтээс ямар гарахаас шалтгаалж зах зээлд хүчтэй нөлөө үзүүлж болзошгүй.

Non Farm Payrolls –Шинээр бий болсон ажлын байрны тоо

Unemployment Rate – Нийт ажиллах хүчинд эзлэх ажилгүйчүүдийн тоо буюу ажилгүйдлийн түвшин

Техник шинжилгээ:

• Weekly chart дээр SP500 индекс ханш ногоон channel-н дагуу өсөлт үзүүлж байгаа бөгөөд channel-н оройгоос эсэргүүцэл авсан байдалтай байна. 
• Сүүлийн ханшийн уналтаар channel-н дэмжих шулууныг сэтэлж байгаа дүр зураг ажиглагдаж байгаа бөгөөд энэ долоо хоногт уналттай хаагдвал зах зээлийн уналт үргэлжлэх магадлалыг нэмэгдүүлнэ.

• 4H chart дээр харахад ханш орой дээрээ double top pattern үүсгэсэн байгаа нь мөн ханшийн өсөлт дуусгавар болж байх магадлалтайг харуулж байна.
• Гэвч Double top-н neckline буюу ногоон маш хүчтэй дэмжих бүсийг сэтэлсэн боловч буцаж өссөн байдалтай байгаа бөгөөд энэ өсөлт нь retest үү, эсвэл бүр буцаж өсөх өсөлт үү гэдгийг ажиглах шаардлагатай.
• Хэрэв ханшийн уналт өмнөх ёроолыг амжилттай сэтэлж чадвал ханшийн уналт үргэлжлэх магадлал нэмэгдэнэ.

БНХАУ –н ЗАХ ЗЭЭЛ:

Өнгөрсөн долоо хоногт HSI индекс 1.4% -н уналттай байж HKD23,749.58 дээр нээгдэж, HKD23,426.6 дээр хаагдлаа.

Өнгөрсөн долоо хоногийн онцлох мэдээлэл: 

NBS PMI – Purchasing Managers Index гэдэг нь аж ахуй нэгж байгууллагуудын менежерүүдийн худалдан авалтын индекс юм. Энэхүү үзүүлэлт нь эдийн засгийн үйл ажиллагааны нөхцөл байдлыг тоон үзүүлэлтээр илэрхийлэн сар бүр хэмждэгээрээ онцлогтой. Уг индекс 50 –с доош бол уналт, 50 –с дээш бол эдийн засгийн тэлэлтийг илэрхийлдэг. Тухайн үзүүлэлтийг БНХАУ –н Үндэсний Статистикийн хорооноос 700 гаруй байгууллагуудаас асуулга авч, тухайн сарын эцсээр тооцож зарладаг.

Өнөөдөр БНХАУ –н 3 –р сартай холбогдсон хамгийн эхний статистик зарлагдлаа. Тодруулбал аж үйлдвэрийн салбарын “PMI” индекс хүлээлт болон өнгөрсөн сарын үзүүлэлтээс давж 50.5 гарсан нь аж үйлдвэрийн салбарын үйл ажиллагаа 2 дахь сардаа дараалан сэргэж буйг илтгэсэн сайн үзүүлэлт болов.

“Nio”

“Nio” –н зүгээс шинэ хувьцаа гаргаж EV технологи, шинэ бүтээгдэхүүний судалгаа, хөгжүүлэлтэд ашиглах мөн компанийн санхүүгийн балансыг сайжруулах зорилготой ажээ. Тодруулбал 136,800,000 ширхэг энгийн хувьцааг HKD 29.46 –р гаргаж HKD 4.03 тэрбумыг /$518 сая ам.доллар/ босгох ажээ. Шинээр хувьцаа гаргах процесс 2025/04/07 –нд дуусах хүлээлттэй байна.

Шинээр гаргаж буй хувьцааны ханш нь өчигдрийн буюу 2025/03/27 –ны өдрийн хаалтын ханш болох HKD 32.55 –с 9.49% -р хямдхан байна. Энэ нь нэг талаас компанийн зүгээс өндөр ханшаар хувьцаа гаргавал хөрөнгө оруулагчид сонирхохгүй гэж үзсэнийг харуулж байна. Энэ нь хувьцааны ханшид цаашид сөргөөр нөлөөлөх боломжтой.

“Nio” –н хувьд саяхан 2024 оны IV улирлын тайлангаа танилцуулсан. Өмнөх улиралд борлуулалтынорлого RMB 19.7 тэрбум гарсан нь YoY +15.2% өссөн, QoQ +5.5% өссөн үзүүлэлт болсон. Харин цэвэр алдагдал RMB 6.6 тэрбум гарсан нь YoY +37.9% өссөн, QoQ +50.1% өссөн маш муу үзүүлэлт болсон билээ. Түүнчлэн богино хугацаат өр төлбөр нь эргэлтийн хөрөнгөөсөө давсан нь бас нэгэн муу үзүүлэлт байсан. Гэхдээ “Nio” –н хувьд дараагийн 12 сард үйл ажиллагаагаа хэвийн явуулах хангалттай хэмжээний санхүүгийн нөөцтэй хэмээн тайлангийн үеэр хэлсэн байна. /Доорх зурагт “Nio” –н сар бүрийн борлуулалтыг харууллаа/

“Morgan Stanley” & “Goldman Sachs”

Мягмар гарагт  “Morgan Stanley” –н зүгээс “MSCI China” индексийн зорилтот түвшинг 77 –с 88 болгон өсгөсөн, “HSI” индексийн зорилтот түвшинг 24,000 – 25,800 болгон өсгөсөн байна. Тэгэхээр дээрх 2 индекс нь яг одоогийн түвшнөөс 9% гаруй өсөх боломж байна гэсэн үг юм. Зорилтот түвшинг өсгөсөн шалтгааныг “Morgan Stanley” –н Laura Wang болон Jonathan Garner нарын зүгээс “компаниудын ирээдүйн орлого болон үнэлгээний үзүүлэлтүүд бага зэрэг /moderately/ сайжирсан” хэмээн тайлбарлав.

Түүнчлэн “Goldman Sachs” –н зүгээс БНХАУ –н хөрөнгийн зах зээлийн идэвхжил болон хөрөнгө оруулагчдын сонирхол ихсэж, 2021 оны бух-зах зээлийн түвшинд дөхөж очлоо гэв. Тодруулбал “Goldman Sachs” –н стратегич Kinger Lau, Timothy Moe нарын Лхагва гарагт гаргасан “Дэлхийн хөрөнгийн зах зээл: Хятад эргэн эрэлт хийлээ” гэсэн нийтлэлдээ “Хөрвөх чадвар, үнэлгээ, төрөлжүүлэх талаараа БНХАУ –н хөрөнгийн зах зээл нь боломжит хөрөнгө оруулалтын талбар болоод байна” гэжээ. “Goldman Sachs” –н зүгээс БНХАУ –н хөрөнгийн зах зээлийн зорилтоо өнгөрсөн 2 –р сарын дундуур өсгөж, хиймэл оюун ухааны хөгжил дараагийн 10 жилд Хятадын компаниудын орлогыг нэмэгдүүлнэ хэмээн тодотгов.

Энэ долоо хоногт гарах онцлох мэдээлэл: 

Caixin PMI гэдэг нь Хятадын бизнесийн мэдээ судалгааны агентлаг Caixin –с гаргадаг Caixin PMI индекс юм. Уг индексийн нэг онцлог нь судалгаанд оролцож буй байгууллагуудын нэлээдгүй хэсэг нь Хятадын зүүн өмнөд эргийн бүсэд байдагт оршдог ба тэр утгаараа тухайн бүсэд байршилтай бизнес эрхлэгчдийн үйл ажиллагаа сайжрах нь индексийг өсгөх нөлөө үзүүлдэг. Сар бүр ойролцоогоор 430 гаруй байгууллагаас асуулга авч, тухайн сарын эцэс эсвэл шинэ сарын эхээр тооцож зарладаг байна.

Мягмар болон Пүрэв гаргуудад “Caixin” судалгааны байгууллагаас тусдаа тооцож гаргадаг “PMI” индекс гарна.

ТЕХНИК ШИНЖИЛГЭЭ:

• Weekly chart дээр харахад ханш 2022 оны 6 –р сар, 2023 оны 1 –р сар, 2024 оны 10 –р сард үүсгэн 3 ширхэг орой буюу томоохон эсэргүүцлийн бүсийг сэтэлж, уг бүс дээрээс дэмжлэг авч, дээр нь хаагдсан байдалтай.
• Ханш өнгөрсөн гурван долоо хоног дараалан уналттай арилжаалагдаж, өмнөх эсэргүүцлийн бүс болж байсан тааз бүс рүү унаж орж ирлээ.
• Уг эсэргүүцлийн бүс дэмжлэгийн бүс болж чадах эсэхийг харах буюу хариу үйлдлийг ажиглах шаардлагатай.