Азийн зах зээл: БНХАУ –н 4 том банкнаас хувьцаа гаргаж 520 тэрбум юанийн санхүүжилт босгохоор боллоо.
ГОЛ ӨНЦӨГ
- БНХАУ –н 4 том банкнаас хувьцаа гаргаж 520 тэрбум юанийн санхүүжилт босгохоор боллоо.
- Аж үйлдвэрийн салбарын үйл ажиллагаа сүүлийн 2 сар тэлэлттэй.
- Мягмар & Пүрэв гарагт “Caixin” –с тооцсон “PMI” гарна.
- Хонг Конгын хөрөнгийн биржийн “HSI” индекс 0.4% -н уналттай.
Даваа гарагийн 10:50 цагт Хонг Конгын хөрөнгийн биржийн “Hang Seng” индексийн фьючерс 0.4% унаж 23,340 нэгжид хүрэв, “Hang Seng Tech” индекс 1.99% -р унав, “CSI 300” индекс 0.25% унав. Азийн бусад захын хувьд Японы “Nikkei 225” индекс 3.85% -р унав, Австралийн “S&P/ASX 200” индекс 1.56% -р унав, БНСУ -н “KOSPI” индекс 2.56% -р унав, Тайваны “TAIEX” индекс 1.59% -р унав.
Эх сурвалж: Таван Богд Капитал ҮЦК
ХОНГ КОНГЫН ХӨРӨНГИЙН ЗАХ ЗЭЭЛ
Онцлох хөдөлгөөн: MIDEA GROUP /0300.HK/ 4.6% өсөж 79.9 HKD, CCB /0939.HK/ 3.4% өсөж 6.93 HKD, LI NING /2331.HK/ 7.8% унаж 15.8 HKD хүрсэн.
Хонг Конгын хөрөнгийн биржийн “Hang Seng” индекс өнөөдөр 0.4% -н уналттай байна.
БНХАУ –н БАНКНУУД
БНХАУ –н эдийн засаг удааширч, үл хөдлөхийн зах зээлийн уналт зэргээс шалтгаалан эрх баригчдын зүгээс улсын томоохон 6 банканд санхүүжилт өгч, хүнд хэцүү цаг үеийг даван туулахад тусална хэмээн амлалтыг өмнө нь өгч байсан билээ.Тэгвэл өнгөрсөн сард БХАТИХ –с 520 тэрбум юанийн тусгай бондыг баталж банкнуудыг санхүүжүүлэхээр болсон билээ.
Тодруулбал Ням гарагт Хонг Конгын хөрөнгийн биржид өгсөн мэдүүлгийн дагуу “China Construction Bank” RMB 105 тэрбум орчим, “Bank Of China” RMB 165 тэрбум орчим, “Bank Of Communication” дор хаяж 130 тэрбум, “Postal Savings Bank of China” дор хаяж RMB 130 тэрбум юанийг хувьцаа гаргах замаар босгохоор болжээ. Хятадын Сангийн Яамнаас бүх дөрвөн банкны хувьцааг худалдан авах бол “China Tobacco” –с “Bank Of Communication” –ны, “China Mobile” -с “Postal Savings Bank of China” –ны хувьцааг худалдан авч, эдгээр банкнуудын нэгдүгээр зэрэглэлийн өөрийн хөрөнгийн хэмжээг нэмэгдүүлэх ажээ.
Шинээр гаргаж буй хувьцааны Шанхайн хөрөнгийн бирж дээр юаниар арилжаалагдах бөгөөд 5 жилийн дараа арилжаалагдах эрх нь нээгдэх нөхцөлтэй ажээ. Мөн хувьцааны ханшийг сүүлийн 20 арилжааны өдрийн дундаж хаалтын ханшнаас 20% -н хямд үнээр гаргана.
ӨНГӨРСӨН СТАТИСТИК:
NBS PMI – Purchasing Managers Index гэдэг нь аж ахуй нэгж байгууллагуудын менежерүүдийн худалдан авалтын индекс юм. Энэхүү үзүүлэлт нь эдийн засгийн үйл ажиллагааны нөхцөл байдлыг тоон үзүүлэлтээр илэрхийлэн сар бүр хэмждэгээрээ онцлогтой. Уг индекс 50 –с доош бол уналт, 50 –с дээш бол эдийн засгийн тэлэлтийг илэрхийлдэг. Тухайн үзүүлэлтийг БНХАУ –н Үндэсний Статистикийн хорооноос 700 гаруй байгууллагуудаас асуулга авч, тухайн сарын эцсээр тооцож зарладаг.
Өнөөдөр БНХАУ –н 3 –р сартай холбогдсон хамгийн эхний статистик өнөөдөр зарлагдлаа. Тодруулбал аж үйлдвэрийн салбарын “PMI” индекс хүлээлт болон өнгөрсөн сарын үзүүлэлтээс давж 50.5 гарсан нь аж үйлдвэрийн салбарын үйл ажиллагаа 2 дахь сардаа дараалан сэргэж буйг илтгэсэн сайн үзүүлэлт болов.
УРЬДЧИЛСАН СТАТИСТИК:
Caixin PMI гэдэг нь Хятадын бизнесийн мэдээ судалгааны агентлаг Caixin –с гаргадаг Caixin PMI индекс юм. Уг индексийн нэг онцлог нь судалгаанд оролцож буй байгууллагуудын нэлээдгүй хэсэг нь Хятадын зүүн өмнөд эргийн бүсэд байдагт оршдог ба тэр утгаараа тухайн бүсэд байршилтай бизнес эрхлэгчдийн үйл ажиллагаа сайжрах нь индексийг өсгөх нөлөө үзүүлдэг. Сар бүр ойролцоогоор 430 гаруй байгууллагаас асуулга авч, тухайн сарын эцэс эсвэл шинэ сарын эхээр тооцож зарладаг байна.
Мягмар болон Пүрэв гаргуудад “Caixin” судалгааны байгууллагаас тусдаа тооцож гаргадаг “PMI” индекс гарна.
“Таван Богд Капитал ҮЦК” ХХК нь харилцагчдадаа олон улсын хөрөнгийн зах зээлд шууд хөрөнгө оруулах боломжийг нээж байна. Та дараах холбоосоор бүртгүүлнэ үү: https://tavanbogdcapital.com/FeaturedItem/757033
ЭХ СУРВАЛЖ:
https://www.bloomberg.com/
Түлхүүр үг:
Арилжаанд оролцох
Хувьцаа болон Брокертой асуудлаа мэргэжилтнүүдэд даатгаад та өөрийн ажлаа амжуул.
