ГОЛ ӨНЦӨГ:

• Компанийн засаглалын хэрэгжилт 2024 онд ангилалуудаас I,II,III  ангилал 26.7%, 30.5%, 22.7%-р тус тус өссөн
• Онцлох компаниуд байсан боловч сайжруулах компаниуд мөн байв
• Ил тод байдал, ТУЗ-ийн үйл ажиллагаа сайжрах нь илүү чухал байна

📊 Монголын хөрөнгийн зах зээлд бүртгэлтэй нээлттэй хувьцаат компаниудын компанийн засаглалын хэрэгжилтийн 2024 оны эцсийн үнэлгээ гарлаа. Энэ удаагийн үнэлгээнд нийт 111 компани хамрагдаж, давтан үнэлгээ хийлгэсэн 44 компанийн дундаж үзүүлэлт өмнөх оноос 26.6 хувиар өсөж нийт үнэлгээ 79.1%-д хүрсэн байна.

📈 Үүнээс хөрөнгийн биржийн I ангиллын компаниудын засаглалын хэрэгжилт 26.7 хувиар, II ангилал 30.5 хувиар, III ангилал 22.7 хувиар тус тус нэмэгдсэн үзүүлэлт нь компанийн засаглалд сайжирсныг харуулж байна.

🏆I ангиллын онцлох компаниуд

I ангилалд бүртгэлтэй компаниудаас "Говь ХК", "Сүү ХК", "Түмэн Шувуут ХК" зэрэг компаниуд хамгийн өндөр үнэлгээ авсан байна. Харин "Таван Толгой ХК" засаглалын хэрэгжилтийг илүү сайжруулах шаардлагатай байгаа бөгөөд 111 компани дунд 43 байр байгаагаас 42-т жагсаж байгаа юм. “Таван Толгой ХК” нь цалин урамшуулал олгох шалгуур, ТУЗ-ийн үнэлгээг илүү боловсронгуй болгох дээр анхаарах нь зүйтэй.

🥇 II ангиллын онцлох компаниуд

II ангилалд "Сэндли ББСБ" ХК", "Монложистик Холдинг" ХК зэрэг компаниуд өндөр үнэлгээтэй байгаа бол, "Улсын их дэлгүүр ХК", "Жэнко тур Бюро ХК" зэрэг компаниудын засаглалд илүү сайжруулалт хийх шаардлага гарсан байна. Тус ангиллын компаниуд ТУЗ-ийн жилийн үйл ажиллагааны төлөвлөлт, мэдээллийн ил тод байдлыг сайжруулахад түлхүү анхаарлаа хандуулах нь зүйтэй.

📉III ангиллын онцлох компаниуд

III ангиллын хувьд "Булигаар ХК", "Эрээнцав ХК" компаниуд харьцангуй өндөр үнэлгээтэй гарсан бол, "Силикат ХК", "Стандарт Проперти Групп ХК" зэрэг компаниуд засаглалын хэрэгжилтийн үзүүлэлтээрээ хангалтгүй байгаа харагдаж байна. Эдгээр компаниуд мэдээллийн ил тод байдал, оролцогч талуудтай харилцах механизм, хувьцаа эзэмшигчдийн эрхийг тэгш хангах бодлогоо оновчтой тодорхойлох шаардлагатай байгаа юм.
💭Шинжээчийн дүгнэлт
Уг судалгаагаар Монголын хөрөнгийн зах зээлийн компанийн засаглал өссөн харагдаж байна. Засаглал сайжрах нь зөвхөн дүрмийн дагуу ажиллаж буй цөөн тооны компанийн амжилт үзүүлэлт биш харин нийт зах зээлийг харуулж буй. Гэхдээ зарим нэг I ангиллын  томоохон компаниуд тэр доор байгаа анхаарах асуудал юм. Ирэх жилүүдэд ил тод байдал болон ТУЗ-ийн бодлогын чанарт илүү анхаарахгүй бол одоогийнх шиг өсөлт ирэхгүй байж болох нь.