ГОЛ ӨНЦӨГ 

• МХБ ХК-ийн 2024 оны жилийн эцсээр нийт хөрөнгийн хэмжээ 843 тэрбум байна.
• Цэвэр ашиг ₮34.2 тэрбум хүрч, өмнөх оноос 267% өсөв.

САНХҮҮГИЙН ҮЗҮҮЛЭЛТ  

Тус компанийн үйл ажиллагааны ашиг өмнөх оноос 73% өсөж ₮13.5 тэрбумд хүрсэн бол цэвэр ашиг 267%-ийн өсөлт үзүүлж ₮34.1 тэрбум хүрээд байна. Энэхүү өсөлтийг үзүүлэхэд хүүний орлого нөлөөлжээ. Тус онд Монголын Хөрөнгийн Бирж ХК ₮33.1 тэрбумын хүүний орлого олсон байна.  

Үнэ ашгийн харьцаа P/E өмнөх оноос 48.3х нэгжээр буурсан байна. Үнэ дансны харьцаа P/B 1.76х болж, өмнөх оноос 0.69х нэгжээр өссөн байна.  

Ашигт ажиллагааны нөлөөгөөр өөрийн хөрөнгийн өгөөж 57.9% болж, өмнөх оноос 55.2%-аар өссөн. Компани өөрийн хөрөнгийг маш ашигтай ашиглаж байна. 

Монголын Хөрөнгийн Бирж ХК 2024 онд өдөрт дунджаар 42.5 сая төгрөгийн арилжаа хийгдэж байсан бол 2025 оны эхний сар 37.7 сая төгрөгийн арилжаа хийгдсэнээр хөрвөх чадвар бага зэрэг буурсан байна. 2024 оны 7 сард хөрвөх чадвар хамгийн өндөр байсан байна. Мөн энэ оны 1 сараас эхлэн өдөрт хийгдэх арилжааны дүн буцаад идэвхжиж байна. 

2022 оны 12 сарын 27-30ны хооронд анхдагч арилжаа явагдсан. Нэгж хувьцаагаа ₮100-өөр үнэлэн гаргасан бол 2025.02.04-ны хаалтын ханшаар 271%-аар өсөлт үзүүлж ₮371 дээр хаагдсан байна. 

Шинжээчийн дүгнэлт 

    МХБ ХК-ийн хувьд 2023 оны 1 сараас эхлэн хоёрдогч зах зээлийн арилжаа эхэлсэн. 2 жилийн хугацаанд тус хувьцааны ханш 272%-ийн өсөлт үзүүлжээ. Ингэснээр хувьцааны үнэлгээг тооцоолдог үнэ ашгийн харьцаа P/E 3.8х байна. Үнэ дансны үнийн харьцаа P/B 1.76х байна. Энэ нь бага зэрэг өндрөөр үнэлэгдсэн гэдгийг илтгэж байгаа боловч Монголын хөрөнгийн бирж ХК-ийг хөрөнгө оруулагч нар худалдан авч байгаа нь  хувьцаанд итгэлтэй байгааг харуулж байна.  

   Цэвэр ашгийн хэмжээ 3.7 дахин өсөж ₮34.1 тэрбум хүрэхэд өсөлтөд хүүний орлого огцом өссөн нь нөлөөлжээ.