Өчигдөр буюу 2024/12/10 –нд “Erdene Resource Development” –с компанийн санхүүгийн талаар товч мэдэгдэл, веб дээрээ байршууллаа.

• Охин компани “Erdene Mongol” нь  Баян-Хөндийн алтны орд газрын бүтээн байгуулалтын ажлын түргэсгэх зорилгоор 24 сарын хугацаатай зээлийн шугамын гэрээг Худалдаа Хөгжлийн банктай хийв.
• Тодруулбал 50 сая ам.доллар хүртэлх эргэлтийн хөрөнгийн зээлийг уг зээлийн шугамаар дамжуулан “Erdene Mongol” авах бүрэн боломжтой болжээ. Зээлийн жилийн хүүгийн түвшин 13.3% байна.
• “Erdene” –н CEO Peter Akerley –н зүгээс “Уг эргэлтийн хөрөнгийн зээлээр алт олборлолтын өмнөх шаардлагатай бүтээн байгуулалтын ажлууд, үйлдвэр техник тоног төхөөрөмжүүдийг ашиглалтанд оруулах ажлуудыг санхүүжүүлэхэд зарцуулагдана. Хамгийн анхны алтаа 2025 оны дундуур олборлож, 2025 оны III улирлаас үйлдвэрлэсэн алтаа зарж эхэлнэ” гэж хэлсэн байна.
• Алт гарган авах буюу боловсруулах үйлдвэрийн барилгын ажил эцсийн шатанд оров.
• Боловсруулах үйлдвэрээс бусад чухал ач холбогдол бүхий дэд бүтцийн барилгын ажлууд мөн эцсийн шатандаа оров.
• Бутлуур, конвейер гэх мэт механик ажлууд болон цахилгааны ажлууд 2025 оны I улиралд дуусна.
• Энэ 12 –р сард хог хаягдлын нэгдсэн менежментийн байгууламжуудын барилгын ажлын эхний үе шатыг дуусгана мөн нэмэлтээр 13,700 метрийн гүний өрөмдлөг хийж алтны хүдрийн чанар, биет хэмжээг тодорхойлно. Энэ нь алтны агууламж хамгийн өндөртэй хэсэг газруудад төвлөрч, үр ашигтай ажиллахад нөлөөнө.
• Баян-Хөндийн алтны орд газраас гадна Азийн олборлогдож эхлээгүй хамгийн том молибдений нөөцтэй орд газар буюу Зуун Мод төслийг санхүүжүүлэх CAD5 сая санхүүжилтыг татан төвлөрүүлнэ. Тодруулбал 2024/12/21 гэхэд хувьцааны варрантыг хэрэгжүүлэх буюу хөрөнгө оруулагчдад нэмж хувьцаа зарах замаар уг санхүүжилтыг татан төвлөрүүлэх ажээ.

Эх сурвалж: https://erdene.com/site/assets/files/4571/epr.pdf