ГОЛ ӨНЦӨГ

• Өнөөдөр буюу 2023 оны 1 дүгээр сарын 9-ний өдрөөс MSE хувьцааны хоёрдогч зах зээлийн арилжаа эхэллээ
• Худалдан авах сонирхолтой тал олон байсан боловч зарах тал цөөн тул 5.8 сая төгрөгийн арилжаа хийгдлээ

“Монголын Хөрөнгийн Бирж” ХК-ийн нийтэд санал болгон арилжаалсан үнэт цаасны анхдагч зах зээлийн арилжаа амжилттай болж нийт хувьцааны 34%-ийг санал болгосон билээ. Үүнээс 50%-ийг нь стратегийн хөрөнгө оруулагч нарт, 50%-ийг нь олон нийтэд санал болгосон бөгөөд нийт олон нийтийн захиалга нь 51.8 тэрбум хүрч 878% давсан. 

Өнөөдөр буюу 2023 оны 1 дүгээр сарын 9-ний өдрөөс тус компанийн үнэт цаасны хоёрдогч зах зээлийн арилжааг "MSE" үсгэн кодтойгоор эхлүүллээ. 

“Монголын Хөрөнгийн Бирж”-ийн “Арилжааны журам”-ын дагуу ханшийн хэт хэлбэлзэлээс сэргийлэх зорилгоор өмнөх өдрийн хаалтын ханшнаас 15%-аас өндөр хувиар өсгөж болон бууруулж авах боломжгүй байдаг билээ. 

MSE хувьцааны хувьд өнөөдөр бүх арилжаа анхдагчид санал болгосон үнээс 15% өсөж 115 төгрөг буюу боломжит хамгийн өндөр арилжааны дүн дээр явагдсан бөгөөд тус дүн дээр худалдан авах сонирхолтой хөрөнгө оруулагчид олон байсан боловч анхдагчаас авсан хөрөнгө оруулагчид зарах сонирхолгүй байгаа тул дөнгөж 5.8 сая төгрөгийн арилжаа биеллээ.

Хэрэв танд илүү дэлгэрэнгүй мэдээлэл, судалгаа, зөвлөгөө хэрэгтэй бол дараах линкээр бүртгүүлээрэй. Бүртгүүлэх: https://tavanbogdcapital.com/FeaturedItem/756956