ГОЛ ӨНЦӨГ

• "Инвескор ББСБ ХК"-ийн нээлттэй бондын I транчийн урьдчилсан захиалга өчигдөр эхэлсэн бөгөөд 2 дахь өдөр зах зээл нээгдмэгц захиалга дүүрч хаагдлаа.
• Эрэлт ихтэй байгаа тул ирэх 7 хоногт дараагийн транчийг нээхээр төлөвлөж байна.
• Тус компани 2023 оны III улирлын байдлаар нийт ББСБ-ын салбарын нийт хөрөнгө, зээл болон цэвэр ашгийн 10-11%-ийг дангаар бүрдүүлж байна.

Бондын голлох нөхцөл

   “Инвескор 2.0” хөтөлбөр нь нийт 50 тэрбум төгрөгийн бондыг гаргах ба эхний ээлжид 10 тэрбум төгрөгийн урьдчилсан захиалгыг авч олон нийтээс амжилттай татан төвлөрүүллээ. Захиалгын эрэлт өндөр байгаа тул ирэх 7 хоногоос дараагийн транчийн захиалгыг авахаар төлөвлөж байна.

"Инвескор ББСБ" ХК

   “Инвескор ББСБ” нь 2016 онд байгуулагдсан ба өдгөө Улаанбаатар хотод ББСБ-ын чиглэлээр 16 салбар, Эрдэнэт хотод 1 салбар, Япон болон Киргиз улсуудад салбар компанитайгаар үйл ажиллагаа явуулж байна. "Инвескор ББСБ" нь 2019 онд олон нийтэд хувьцаагаа санал болгож нээлттэй хувьцаат компани болсон. Банк бус санхүүгийн салбарын нийт хөрөнгө, зээл, ашгийн 10%-11%-ийг дангаараа эзэлдэг бөгөөд 126,186 харилцагчийнхаа итгэлийг хүлээн, мэргэжлийн чанартай үйлчилгээгээр ханган ажиллаж байна.

Санхүүгийн чухал үзүүлэлтүүд

   2022 оны III улирлын байдлаар санхүүгийн байдлын тайлан болон орлогын тайланг харахад бүх үзүүлэлтээр буюу нийт актив, өөрийн хөрөнгө, зээлийн багц, хүүгийн орлого, цэвэр ашиг болон өөрийн хөрөнгийн өгөөжөөр Инвескор ББСБ нь салбартаа тэргүүлж байна. ББСБ-ын гол үйл ажиллагаа зээл олголт билээ. Тиймдээ ч хамгийн чухал үзүүлэлт бол чанаргүй зээлийн хувь. 2022 оны III улирлын байдлаар Инвескор ББСБ нь хамгийн бага чанаргүй зээлтэй бөгөөд цэвэр ашгийн маржин нь хамгийн өндөр байна. 

Хэрэв та илүү дэлгэрэнгүй мэдээлэл авахыг хүсвэл дараах утсаар холбогдоно уу: 95102229, 94005595, 95024664, 95029966