Өчигдөр буюу 2022 оны 4-р сарын 26-ний өдөр Монголбанкны ээлжит гадаад валютын дуудлага худалдаа болж өнгөрлөө.

  Арилжааны банкуудаас ирүүлсэн санал болон нийлүүлэлтийн хувийг Монголбанк зарлаагүй бөгөөд 48.0 сая ам.долларыг нэг ханшаар нийлүүлсэн байна. 

Шинжээчийн дүгнэлт:

   Монголбанк 4-р сард 7 удаагийн ээлжит, 1 удаа ээлжит бус нийт 8 удаагийн валютын дуудлага худалдаа зохион байгуулж 61.0-92.0 сая ам.долларыг нэг дуудлага худалдаагаар нийлүүлж байсан бол энэ удаагийн дуудлага худалдаагаар 4-р сарын хамгийн бага буюу 48.0 сая ам.долларыг нийлүүлсэн байна.

  Арилжааны банкуудын ам.доллар зарах ханш 3,080-аас дуудлага худалдааны дараа 3,082 болж өссөн нь Монголбанк эрэлтийг бүрэн хангах хэмжээний нийлүүлэлт хийгээгүй буюу 48.0 сая ам.доллар хангалтгүй байсныг харуулж байна.

   2022 оны эхний 3 сарын байдлаар манай улсын импорт өмнөх жилээс 11% өсөж 1,691 сая ам.долларт хүрч, экспорт өмнөх жилээс 3% буурч 1,942 сая ам.долларт хүрсэн нь гадаад худалдааны тэнцэлийг бууруулж байгаа нь ам.долларын ханшийн өсөлтийн гол шалтгаан болж байна.

Таван Богд Капитал ҮЦК ХХК-ийн зүгээс цаг тухай бүр онцлох хувьцаат компаниудын талаар мэдээлэл хүргэдэг ба та эдгээр хувьцаануудын талаар нэмэлт мэдээлэл авах, хөрөнгө оруулах бол доорх утсаар холбогдоно уу.