ГОЛ ӨНЦӨГ

• МХБ компанийн засаглалын кодексийн хэрэгжилтийн үнэлгээг 47 хувьцаат компанид хийсэн
• Монголбанк 2022 оны 11 дүгээр сард 2,667.0 кг үнэт металл худалдан авсан

МХБ 47 ХУВЬЦААТ КОМПАНИЙН ЗАСАГЛАЛЫН КОДЕКСЫН ХЭРЭГЖИЛТИЙН ҮНЭЛГЭЭ ХИЙСЭН

  “Компанийн засаглалын кодекс”-ийг  хувьцаат компаниудад мөрдүүлэх, тайлан мэдээлэл, нотлох баримтыг хүлээн авч үнэлгээ хийн олон нийтэд хүргэх үүргийн дагуу компанийн засаглалын кодексийн хэрэгжилтийн үнэлгээг 47-д хийж, тайланг олон нийтэд танилцуулсан байна. “Эрдэнэ Pесурс Девелопмент Корпорейшн” ХК хамгийн хэрэгжилт сайтай  буюу 100 хувийн гүйцэтгэлтэй гэж үнэлүүлжээ. Харин “Ард санхүүгийн нэгдэл” ХК, “Э-Транс Ложистикс” ХК, “Сэнтрал Экспресс Си Ви Эс” ХК, “Улаанбаатар БҮК” ХК, “Сүү” ХК болон “Монголын Хөрөнгийн бирж” ХК тус тус 65 онооноос дээш үнэлгээтэй буюу 90 хувиас дээгүүр гүйцэтгэлтэй байна.

МОНГОЛ БАНК 11 ДҮГЭЭР САРД 2.7 ТН ҮНЭТ МЕТАЛЛ ХУДАЛДАН АВСАН

   Монголбанк 2022 оны 11 дүгээр сард 2,667.0 кг үнэт металл худалдан авч, оны эхнээс өссөн дүнгээр 19.9 тонн үнэт металл худалдан аваад байна. Оны эхнээс өссөн дүнгээр Дархан-Уул аймаг дахь Монголбанкны хэлтэс 2,780.1 кг, Баянхонгор аймаг дахь Монголбанкны хэлтэс 1,332.0 кг үнэт металл тус тус худалдан авсан. Монголбанкны үнэт металл худалдан авах үнийг дэлхийн зах зээл дээрх үнээр тогтоодог. 2022 оны 11 дүгээр сард дундаж үнэ 197,545 төгрөг байв.

  Таван Богд Капитал ҮЦК ХХК-ийн зүгээс цаг тухай бүр онцлох хувьцаат компаниудын талаар мэдээлэл хүргэдэг ба та эдгээр хувьцаануудын талаар нэмэлт мэдээлэл авах, хөрөнгө оруулах бол доорх утсаар холбогдоно уу.