ГОЛ ӨНЦӨГ:

• “Geely” –н оны эхний улирлын борлуулалтын орлого YoY +49%, цэвэр ашиг YoY +119% өсөв.
• БНХАУ –н цахилгаан автомашины компаниудын борлуулалт 6 –р сард сайжрав.
• Хонг Конгын хөрөнгийн биржийн “Hang Seng” индекс өнөөдөр 0.7% -нөсөлттэй байна.

Лхагва гарагийн 11:33 цагт Хонг Конгын хөрөнгийн биржийн “Hang Seng” индексийн фьючерс 0.7% өсөж 17,807 нэгжид хүрэв, “Hang Seng Tech” индекс 2.3% -р өсөв, эх газрын Хятадын “CSI 300” индекс 0.2% -рунав. Азийн бусад захын хувьд Японы “Nikkei 225” индекс 0.9% -р өсөв, Австралийн “S&P/ASX 200” индекс 0.2% -р өсөв, БНСУ -н “KOSPI” индекс 0.4% -р өсөв.

Эх сурвалж: Таван Богд Капитал ҮЦК

ХОНГ КОНГЫН ХӨРӨНГИЙН ЗАХ ЗЭЭЛ

Онцлох хөдөлгөөн: SENSETIME /0020.HK/ 13.7% өсөж 1.57 HKD, CONCH VENTURE /0586.HK/ 12.2% өсөж 8.35 HKD, BOSIDENG /3998.HK/ 14.6% унаж 4.07 HKD хүрсэн.

Хонг Конгын хөрөнгийн биржийн “Hang Seng” индекс өнөөдөр 0.7% -нөсөлттэй байна. 

“GEELY”

БНХАУ –н томоохон автомашин үйлдвэрлэгч “Geely” өнгөрсөн сарын 28 –нд эхний улирлын тайлангаа танилцуулсан байна. 2024 оны I улиралд нийт 475,720 ширхэг автомашин борлуулсан нь өнгөрсөн жилийн мөн үеэс 49% өссөн үзүүлэлт болов. Нийт борлуулсан цахилгаан автомашины хэмжээ нь нийт борлуулалтын 30% буюу 144,125 ширхэг ба энэ нь YoY +143% өсөлт юм. “Geely” -н хувьд өнгөрсөн жилийн нийт борлуулалтад эзлэх цахилгаан автомашины хувь хэмжээ ердөө 18.6% байсан байна. Үүн дотроос тансаг зэрэглэлийн цахилгаан автомашины брэнд “Zeekr” –н борлуулалт эхний улиралд YoY +117.0% өсөж, 33,059 ширхэгт хүрэв. Мөн 2023 оны II хагасаас эхлэн зах зээлд нэвтэрсэн хямд үнэтэй цахилгаан автомашины “Galaxy” брэндийн борлуулалт 38,528 ширхэгт хүрж, нийт борлуулалтын 8% -г дангаар эзэлжээ.

Нийт борлуулалтын орлого YoY +56% өсөж, 52.13 тэрбум юаньд хүрсэн. Цэвэр ашиг 1.56 тэрбумд хүрж, YoY +119% өссөн байна. Ерөнхийдөө тайлан шинжээчдийн хүлээлтийн дагуу сайн гарсан.

Мөн 2024/07/01 –нд “Geely” –н зүгээс 2024 оны бүтэн жилийн нийт борлуулалтын зорилтоо 1.9 саяас 5.0% өсгөж 2 сая болгож нэмэгдүүлсэн байна.

Нөгөө талаас “Geely” –н хувьцааны ханш өчигдөр 8% орчим уналт үзүүлсэн байна.

БНХАУ & EV

Бээжинд төвтэй “Li Auto” –н борлуулалт өнгөрсөн 6 –р сард MoM +36.4% өсөж, 47,774 ширхэгт хүрсэн байна. Энэ нь өмнөх борлуулалтын дээд амжилт болох 50,353 луу дөхөж очсон үзүүлэлт болов. “Li Auto” –н хувьцааны ханш энэ 3 –р сараас хойш 60% гаруй унаад байгаа билээ.

Гуанжоу хотод төвтэй “Xpeng” –н борлуулалт сүүлийн 5 сар дараалан өссөн ба MoM +5.1% өсөж, 10,688 ширхэгт хүрэв.

Шанхайд төвтэй “Nio” –н борлуулалт 5 -р сард тогтоосон сарын борлуулалтын дээд амжилтаа дахин шинэчилж 21,209 –д /MoM +3.2%/ хүргэсэн байна. “Nio” –с 5 –р сараас эхлэн өөрсдийн батарей солих технологид суурилан хэрэглэгчдэд санал болгосон урамшууллууд нь ийнхүү борлуулалтыг өсгөхөд хамгийн их нөлөөлжээ. Тодруулбал оны эхнээс “Nio” –с “BAAS” /”Battery As A Services”/ үйлчилгээг нэвтрүүлсэн билээ. Уг үйлчилгээ нь хэрэглэгчдэд цахилгаан автомашины батарейнаас бусад хэсгийг худалдан авч, харин батарейг түрээслэх боломжийг олгодог. Энэ нь “Nio” –н автомашины үнийг ойролцоогоор $9,470 –р хямд болгодог давуу талтай. Дээр дурдсаны дагуу “Nio” 5 –р сард “BAAS” үйлчилгээг авсан хэрэглэгчдэд эхний 12 сар батарейны төлбөрийг хөнгөлөхөө зарласан билээ. Уг хөнгөлөлтөөр хэрэглэгчид $1,202 хэмнэх давуу талтай.

Цахилгаан автомашины салбарт шинээр нэвтэрсэн “Xiaomi” –н хувьд “SU7” загварын борлуулалт 6 –р сард анх удаа 10,000 –г давсан байна.

“Geely” –н цахилгаан автомашины брэнд “Zeekr” –н хувь 6 –р сард мөн сарын борлуулалтын дээд амжилтаа эвдэж, 20,106 /MoM +8%/ ширхгийг борлуулжээ.

Дэлхийн хамгийн том цахилгаан автомашины компани “BYD” өнгөрсөн 6 –р сард мөн сарын борлуулалтын дээд амжилт болох 341,043 –г 3% -р өсгөж 341,658 болгожээ.

“BYD” –н томоохон өрсөлдөгч “Tesla” –н хувьд 2024 оны II улиралд 443,956 ширхэг автомашин борлуулсан нь өмнөх жилийн мөн үеэс 4.8% буурсан, өмнөх улирлаас 14.8% өссөн үзүүлэлт болов. Уг мэдээний дараа “Tesla” –н ханш 10.2% өссөн байна.

“Таван Богд Капитал ҮЦК” ХХК нь харилцагчдадаа олон улсын хөрөнгийн зах зээлд шууд хөрөнгө оруулах боломжийг нээж байна. Та дараах холбоосоор бүртгүүлнэ үү: https://tavanbogdcapital.com/FeaturedItem/757033

ЭХ СУРВАЛЖ: 

http://www.aastocks.com/en/

https://www.scmp.com/

https://www.dailyfx.com/