ГОЛ ӨНЦӨГ:  

• Азийн Хөгжлийн Банк 2024 оны дөрөвдүгээр сард гаргасан “Азийн Хөгжлийн төлөв 2024” тайландаа Монгол Улсын эдийн засаг 2024 онд 4.1%, 2025 онд 6.0% хүрэх хандлагатай байгаа талаар дурдлаа.

“Азийн Хөгжлийн Төлөв 2024” тайлан 

Азийн Хөгжлийн Банк 2024 оны дөрөвдүгээр сард гаргасан Азийн Хөгжлийн төлөв 2024 тайландаа Монгол Улсын эдийн засаг 2024 онд 4.1%, 2025 онд 6.0% хүрэх хандлагатай байгаа талаар  Монгол Улс дахь суурин төлөөлөгч Шэннон Коулин болон АХБ-ны улс орон хариуцсан ахлах эдийн засагч Эдуард Фабер нар дурджээ. 

Эдуард Фабер: 2023 онд Монгол улсын эдийн засаг 7.0%-ийн өсөлттэй байсан нь ашигт малтмалын олборлолт болон экспорт нэмэгдсэн нь төсвийн тэнцэл болон урсгал данс ашигтай гарч, Макро эдийн эдийн засаг сайжрах нөхцөл бүрдсэн байна. Үүний үр дүнд гадаад валют нөөц нэмэгдэж, инфляц болон улсын өр буурсан байна.  

2024 болон 2025 оны эдийн засгийн өсөлтөд уул уурхайн олборлолт, үйлдвэрлэлт ихээр нөлөөлсөөр байх ба тэр дундаа Оюу толгойн уурхайн зэсийн баяжмалын үйлдвэрлэл ихээхэн нөлөөлөх хүлээлттэй байгаа юм. 

Монголын эдийн засаг өсөх төлөвтэй байгаа ч эрсдэл байсаар байна гэж Шэннон Коулин дурджээ Үүнд:  

Инфляцын түвшин өмнөх оноос багассан ч өндөр хэвээр байна. 2024 оны нэгдүгээр улиралд инфляц 7% байгаа ба 2025 онд 6.8% хувь болон буурах төлөвтэй байна. Гэвч зудын ул мөрөөс үүдэн ХАА-н салбарт тулгарах сорилт, мөн эдийн засгийн хурдтай өсөлтөөс үүдэн инфляцын түвшин өндөр хэвээр байх эрсдэлтэй байна. 

Импорт нэмэгдэхийн хэрээр урсгал данс алдагдалтай байх боловч 2025 онд экспорт нэмэгдэж, тэр хэрээр алдагдал буурна хэмээн үзэж байна. БНХАУ руу хийх нүүрсний борлуулалт үл хөдлөх хөрөнгийн зах зээл суларч байгаатай нь холбоотойгоор коксжих нүүрсний хэрэгцээ буурч, импортын эрэлт саарах гэж буй зэрэг байдалтай холбоотойгоор эрсдэл дагуулахаар байна. 

Азийн Хөгжлийн Банкнаас танилцуулсан 2024 оны 4-р сарын Азийн хөгжлийн төлөв (АХТ) тайланд өмнөд болон төв ази эдийн засгийн өсөлтөө ирэх онд хадгална хэмээн тооцоолжээ. Олон улс оронд хүнсний бүтээгдэхүүний үнэ өссөнөөс үүдэн инфляцын түвшин сүүлийн хоёр жилийн турш өндөр байсан бол 2024, 2025 онд саарах эерэг төлөвтэй байна. 

Манай урд хөрш болох Бүгд Найрамдах Хятад Ард Улс (БНХАУ)-ын эдийн засгийн өсөлт удааширсан байгаа нь үл хөдлөх хөрөнгийн зах зээл унаж, дотоодын хэрэглээ буурснаас үүдэж байгаа ба  Өмнөд болон Зүүн өмнөд азийн бүсийн эдийн засгийн өсөлт бүс нутгийн эдийн засгийн өсөлтийг тогтвортой байхад эергээр нөлөөлж байна. 2024 оноос эдийн засгийн өсөлтөд нөлөөлж болохуйц эрсдэлүүдэд дараах хүчин зүйл багтсан байна. 

• Нийлүүлэлтийн сүлжээний тасалдал
• АНУ-ын мөнгөний бодлогын тодорхойгүй байдал
• Цаг агаарын эрс тэс үзэгдэл
• БНХАУ-ын үл хөдлөх хөрөнгийн зах зээлийн уналт
• Цагаан будааны хомсдолоос үүдэлтэй инфляц
• Тээврийн зардал нэмэгдэл

Монгол улс 2024 онд инфляцын түвшин 7%-тай хадгалагдаж байгаа ч ХАА салбар цаг уур зудын байдал, нүүрс, зэс импортлогч улсын эдийн засгийн нөхцөл байдлаас үүдэн импортын хэмжээ буурах зэрэг эрсдэл нь 2024 оны өсөлтийн таамгийг бууруулж байна. 

Хэрэв танд илүү дэлгэрэнгүй мэдээлэл, судалгаа, зөвлөгөө хэрэгтэй бол дараах линкээр бүртгүүлээрэй. Бүртгүүлэх: https://tavanbogdcapital.com/FeaturedItem/756956