ГОЛ ӨНЦӨГ:

• 2021 оны 11-р сарын 29-ний өдөр “Лэнд бонд Транч I”-ээр 14%-ийн хүүтэйгээр, 25,000 ширхэг бондыг олон нийтэд нээлттэй арилжсан билээ.
• Харин “Лэнд Бонд Транч II”-ын хүүгийн хэмжээг 15% болгон нэмэгдүүлэхээр шийдвэрлэсэн ба анхдагч зах зээлийн арилжаа энэ сарын 28-аас 31-ний хооронд явагдахаар болсон байна.

    “ЛэндМН ББСБ” ХК нь 2021 оны 11-р сарын 24-ний өдөр Санхүүгийн Зохицуулах Хороонд олон нийтэд нээлттэй санал болгохоор “Лэнд бонд” өрийн хэрэгслийн зөвшөөрлийг авсан ба “Лэнд бонд Транч I”-ээр 14%-ийн хүүтэйгээр, 25,000 ширхэг бондыг нээлттэй арилжиж, 2.5 тэрбум төгрөгийн хөрөнгө оруулалтыг амжилттай татан төвлөрүүлжээ.

    2022 оны I улиралд Монгол улсын эдийн засгийн нөхцөл байдал ковидын нөлөөлөл болон олон улсын нөхцөл байдлаас шалтгаалж хөрөнгө оруулалтын үнэ цэн буурах, үнэгүйдэх эрсдэлийг бууруулах зорилгоор “Лэнд Бонд Транч II”-ын хүүгийн хэмжээг 15% болгон нэмэгдүүлэхээр шийдвэрлэлээ.

    “Лэнд Бонд Транч II”-ийг жилийн 15%-ийн хүүтэй, 100,000 төгрөгийн нэрлэсэн үнэтэй, хагас жил тутам хүү төлөгдөх, 2 жилийн хугацаатайгаар олон нийтэд санал болгох ба анхдагч зах зээлийн захиалгыг 3 дугаар сарын 28-ны өглөөний 10:00 цагаас 2022 оны 03 дугаар сарын 31-ний өдрийн 12:00 цаг хүртэл захиалга хүлээн авах юм.

Компанийн тухай  

    “ЛэндМН ББСБ” ХК нь Монгол улсын зах зээлд анх удаа технологийн дэвшлийг санхүүгийн үйлчилгээтэй хамтатгасан Финтек бизнес моделийг LendMN аппликейшнээр дамжуулан амжилттай нэвтрүүлж буй барьцаагүй хямд өртөгтэй, хэрэглээний бичил цахим зээлийн үйлчилгээ үзүүлэгч байгууллага юм. Хиймэл оюун ухаанд суурилсан шинэлэг бүтээгдэхүүн үйлчилгээгээрээ санхүүгийн салбарт шинэ жишиг тогтоогч болоод байна. 

ХӨРӨНГӨ ОРУУЛАГЧДЫН АНХААРАЛД!

Тус бондод хөрөнгө оруулахыг хүсвэл доорх утсаар холбогдоно уу.

Холбогдох утас: 9510-2229; 9400-4442