Өнөөдөр Монголд: Инфляцын түвшин 8.6% болж буурлаа
ГОЛ ӨНЦӨГ:
- 11-р сард Монгол Улсын инфляц 8.6 хувьтай гарч, өнгөрсөн оны мөн үеэс 5.9 нэгж хувиар буурсан үзүүлэлт болж байна.
- Ингэснээр инфляц сүүлийн 25 сарын хугацаанд хоёр сар дараалан нэг оронтой тоонд хадгалагдлаа.
Монголбанк инфляцыг 2023-2024 онд жилийн зургаан хувь орчимд, +/-2 нэгж хувийн интервалд тогтворжуулахыг зорьж байна.
2023 оны 11-р сард хүнсний бараа, ундаа, усны бүлгийн үнийн өсөлт 8.6 хувийн 3.6 нэгж хувийг нь дангаараа бүрдүүлсэн байна. Өмнөх сард инфляц есөн хувьтай гарахад 30-40 хувийг нь гурил, гурилан бүтээгдэхүүн болон мах, махан бүтээгдэхүүн гэсэн үндсэндээ хоёрхон бүтээгдэхүүний өсөлт нөлөөлж байсан юм.
![](http://trader.tavanbogdcapital.com/uploads/news/08-12-2023/Info-2022.09.08.jpg)
Үнийн тогтвортой байдал буюу инфляцыг зорилтот түвшинд хадгалах нь ажил эрхлэлтийг нэмэгдүүлэх, эдийн засгийн өсөлтийг хангахад урьдач, суурь нөхцөл болдог. Инфляц буурч, эдийн засгийн өсөлт нэмэгдэх хүлээлттэй байгаа хэдий ч үүнд хамгийн багадаа 1-2 жилийн хугацаа зарцуулахаар байгаа юм.
Түлхүүр үгс:
Таван богд капитал ҮЦК
Инфляц
Эдийн засаг
Арилжаанд оролцох
Хувьцаа болон Брокертой асуудлаа мэргэжилтнүүдэд даатгаад та өөрийн ажлаа амжуул.
0 Сэтгэгдэл
Сэтгэгдэл үлдээх