АНУ-ын зах зээл: Тэрбумтан Ken Griffin хямралыг бодитой гэв
ГОЛ ӨНЦӨГ:
- Ken Griffin 2023 оны төгсгөлд АНУ-ын эдийн засаг хямрах магадлалтай гэв
- Инфляцыг бууруулахад ард иргэдийн хүлээлт чухал байдаг гэжээ
Citadel хедж сангийн үүсгэн байгуулагч, гүйцэтгэх захирал, тэрбумтан Ken Griffin Холбооны Нөөцийн Санг инфляцыг бууруулахын тулд илүү их хүчин чармайлт гаргах хэрэгтэй гэжээ.
Тэрээр инфляцыг сэтгэл зүйн хүчин зүйлтэй холбож тайлбарлаад АНУ-ын ард иргэд инфляцын 5-аас дээш хувийн түвшнийг хэвийн зүйл гэж үзэж болохгүй гэдгийг онцолсон байна. Үүнийг тайлбарлахдаа “Та инфляцыг өндөр түвшинд байх хүлээлттэй бол энэ нь бодит байдал болж улмаар цалингийн түвшин зэрэг эдийн засгийн тоо мэдээнд нөлөөлнө. Тиймээс бид хүлээлтийг бууруулахгүй байх нь чухал гэжээ.”
АНУ-ын инфляц 8-р сард өмнөх оны мөн үеэс 8.3%-аар өсөж сүүлийн 40-н жилийн дээд түвшинд хүрээд байгаа билээ. Мөн инфляцыг бууруулахын тулд ХНС-аас 1980-оноос хойших хамгийн түрэмгий мөнгөний бодлогыг баримталж байна [Бодлогын хүүг 3-н удаа дараалан 0.75%-аар өсгөсөн].
Дээр дурдсан мөнгөний хатуу бодлогын улмаас АНУ-ын эдийн засаг хямрах магадлал нэмэгдээд байна. Ken Griffin хэлэхдээ “Хүн бүр эдийн засгийн хямралыг урьдчилан таамаглах дуртай байдаг. Энэ удаагийн нөхцөл байдал илүү бодитой байх боломжтой. Зөвхөн хэзээ гэдэг асуулт тавих хэрэгтэй. Бид энэхүү хямралыг 2023 оны төгсгөлд харах магадлалтай ба бид зөөлөн биш хатуу газардах гэж байна гэжээ.”
Зах зээлийн хүнд нөхцөл байдлыг үл харгалзан Ken Griffin-ын Citadel сан сайн ажиллаж байна. Тэдний харьяаны стратегийн тэргүүлэх сан Wellington өнгөрсөн сард 3.74%-ын өсөлт үзүүлж 2022 оны гүйцэтгэлээ 25.75%-д хүргэсэн гэж эх сурвалжууд мэдээлээд байна.
ШИНЖЭЭЧИЙН ДҮГНЭЛТ:
АНУ-ын томоохон сангийн менежерүүд, шилдэг хөрөнгө оруулагчид 2023 онд АНУ-д эдийн засгийн хямрал тохиолдох талаар ээлж дараалан үзэл бодлоо илэрхийлж байна. Энэ нь ХНС бодлогын хүүгээ өндөр хувь хэмжээгээр нэмэгдүүлж хэрэглээг бууруулснаар АНУ-ын эдийн засаг 2 улирал дараалан унаж байгаатай холбоотой юм. Цаашид тэдний мэдэгдсэн шиг 2024 он хүртэл бодлогын хүү буурахгүй бол хямрал болох магадлал маш өндөр болох юм. Хөрөнгө оруулагчид маань шинээр хувьцаа худалдан авахдаа анхаарал болгоомжтой байна уу.
Эх сурвалж: https://www.cnbc.com/
Таван Богд Капитал ҮЦК ХХК-ийн зүгээс цаг тухай бүр онцлох хувьцаат компаниудын талаар мэдээлэл хүргэдэг ба та эдгээр хувьцаануудын талаар нэмэлт мэдээлэл авах, хөрөнгө оруулах бол доорх утсаар холбогдоно уу.
Түлхүүр үг:
Арилжаанд оролцох
Хувьцаа болон Брокертой асуудлаа мэргэжилтнүүдэд даатгаад та өөрийн ажлаа амжуул.