Гол өнцөг:

• “Mongolian Mining Corporation” –с 2024 онд дуусах 350.2 сая$ үлдэгдэлтэй байгаа бондыг солих болон шинэ бонд гаргах тендерүүд зарласан билээ.
• Шинээр гаргах бондын өгөөж 12.5%, хугацаа 3 жил бөгөөд үнэ нь 97 буюу 3 нэгжээр хямдралтай гарах төлөвтэй байна.

Бонд солих тендер

“Mongolian Mining Corporation” –ны 2024 онд дуусах бондын үндсэн дүнгийн 1000 ам.доллар тутмыг дараах байдлаар солих тендер зарласан байна.

• 300$ -ийг буюу 30% -ийг бэлэн мөнгөөр олгох.
• Үлдсэн 700$ буюу 70% -ийг шинэ бондоор солих. Шинэ бондын жилийн хүү 12.5%, хугацаа 3 жил байх юм. Түүнчлэн шинэ бондын үнийг 3 нэгжээр хямдруулж 97 –р тооцож олгоно.
• 2023/09/13 –ийг хүртэлх хуримтлагдсан хүүний төлбөрийг бэлэн мөнгөөр олгох.
• Мөн тендерт оролцсоны урамшуулал /exchange fee/ болгож 50$ өгөхөөр байна. Жишээлбэл таны эзэмшиж буй бондын үндсэн үнийн дүн 10,000$ бол тендерт оролцсоны урамшуулал болгож 500$ авах юм.

Өөрөөр хэлбэл MMC –ны бонд солих тендерт оролцвол та ойролцоогоор нийт хөрөнгийн 70% -ийг маш өндөр өгөөжтэй боловч урт хугацаатай бондод 3 жил түгжих шаардлагатай болж байна. Манай цагаар 2023/09/05 –ны оройн 23 цагт уг тендерийн хугацаа дуусна.

Шинэ бондын тендер

“Mongolian Mining Corporation” нь мөн шинэ бонд гаргах тусдаа тендер зарласан байгаа билээ. Уг шинэ бондын нөхцөл нь мөн адил жилийн 12.5% хүүтэй, 3 жилийн хугацаатай байхаар байна. Түүнчлэн бонд солих тендерийн үр дүнгээс хамааран нэмэлтээр шинэ бонд гаргах эсэхийг шийдэх юм байна. 2023/09/06 –нд уг шинэ бондын тендертэй холбоотой дэлгэрэнгүй мэдээллийг зарлах ажээ.