ГОЛ ӨНЦӨГ:   

• Мягмар гарагт “Hang Seng” индекс 1.3% уналаа.
• АНУ-БНХАУ хоорондын геополитикийн хурцадмал байдал үргэлжилэв.

Мягмар гарагт Хонг Конгийн хөрөнгийн бирж хаагдах үеэр “Hang Seng” индекс 1.3% унаж  19,431 нэгжид хүрлээ. “Hang Seng Tech”индекс 1.3% буурсан бол “Шанхайн” нэгдсэн индекс 1.5% унасан байна.

Хонг Конгийн хөрөнгийн зах зээл

Онцлох хөдөлгөөн: Alibaba Group Holdings /9988.HK/ болон JD.com /9618.HK/ тус бүр харгалзан 0.6%, 1.8% унав. Мөн хагас дамжуулагч үйлдвэрлэгч SMIC /0981.HK/ 6.5% унасан бол үл хөдлөх хөрөнгийн Country Garden /2007.HK/ 3.8% унажээ.  

Хэрэв та гадаад арилжаанд оролцохыг хүсвэл дараах линкээр бүртгүүлээрэй. Бүртгүүлэх: https://tavanbogdcapital.com/FeaturedItem/757033

Бээжинд төвтэй Kuaishou /1024.HK/ компанийн тайлан гарч хувьцааны ханш 3.1% өсөв. Энэ оны эхний улиралд тус компанийн орлого 20% өссөн бөгөөд 2024 он хүртэл дөрвөн тэрбум Хонг Конг доллар хүртэлх хувьцааг зах зээлээс эргүүлэн худалдан авахаа мэдэгдэв.

АНУ-ын өрийн тааз 

АНУ-ын Ерөнхийлөгч “Joe Biden”, Төлөөлөгчдийн танхимын тэргүүлэгч “Kevin McCarthy” нар Засгийн Газрын өрийн таазыг нэмэгдүүлэх асуудлаар уулзалт хийсэн ч одоогоор тодорхой үр дүнд хүрсэнгүй. Энэ талаар Сангийн сайд “Janet Yellen” хэлэхдээ [6/1]-ээс АНУ өрөө төлөх боломжгүй болно түүнээс өмнө шийдэлд хүрэх хэрэгтэй гэжээ. 

“Guoyuan International”-ийн шинжээч “Zhang Sida” хэлэхдээ “Өрийн таазны яриа хэлэлцээ болон [ХНС]-ийн бодлогын хүүгийн мэдээ нь Хонг Конгийн хөрөнгө оруулагчдын санааг зовоож байна гэв.”

Геополитикийн нөхцөл байдал

БНХАУ-ын “Гадаад Хэргийн Яам”-ны дэд сайд “Sun Weidong” АНУ тэргүүтэй “Долоогийн бүлгийн” дээд хэмжээний уулзалтыг геополитикийн хурцадмал байдлыг хурцатгасан гэж буруутгав. Мөн тэрээр тус уулзалтыг “хүйтэн дайны” үеийн сэтгэлгээг харуулсан гэжээ. 

Шинжээчийн дүгнэлт

АНУ-БНХАУ хоорондын харилцаа хурцадмал байдалд байна. Үүнийг бид Гадаад Хэргийн Яамны өндөр албан тушаалтны мэдэгдлээс харж болох юм. Цаашид АНУ-ын хөрөнгийн зах зээлийн тодорхой бус байдал, Хятадын эдийн засгийн сэргэлтийн эрч саарсан зэргүүд хөрөнгийн зах зээлд сөрөг хүлээлтийг бий болгох хандлагатай байна. 

Эх сурвалж: http://www.aastocks.com/en/default.aspx 

“Таван Богд Капитал ҮЦК” ХХК нь харилцагчиддаа олон улсын хөрөнгийн зах зээлд шууд хөрөнгө оруулах боломжыг нээж байна. Та дараах холбоосоор бүртгүүлэнэ үү: https://tavanbogdcapital.com/