“Таван Богд Групп”-ийн охин компаниудын нэг болох “Мон Бийф” нь хөдөө аж ахуйн салбартаа шинэ, шинэлэг технологи нэвтрүүлж эрүүл ахуйн шаардлага хангасан гарал үүсэл тодорхой, чанартай, баталгаатай үхрийн мах, махан бүтээгдэхүүнийг хэрэглэгчдэдээ хүргэхийг зорин ажилладаг билээ. Тэгвэл өнөөдрөөс Монбийф нь нээлттэй хувьцаат компани болж цаашид компанийн сайн засаглалыг нэвтрүүлж, хөгжүүлэхээр төлөвлөн ажиллаж байгаа бөгөөд үүгээр бид шинэ хөрөнгө оруулагчидтайгаа нээлттэй хамтран ажиллахаа албан ёсоор мэдэгдэж байна. 

Тодруулбал, компанийн 5 хувиас илүү хэмжээний хувьцааг шинээр эзэмших хөрөнгө оруулагчидтай бид ТУЗ хүртэлх түвшинд нээлттэй хамтран ажиллана. Иймд компанийн урт хугацааны өсөлтөд өөрийн үнэ цэнийг оруулах хүсэл, эрмэлзэл, ур чадвартай хөрөнгө оруулагч тантай хамтран ажиллахдаа таатай байх болно.

Мөн компанийн тухай хуулийн дагуу нээлттэй хувьцаат компани болсны дараа ТУЗ-ийг шинэчлэх бөгөөд хуулийн дагуу 1/3-ээс багагүй нь хараат бус гишүүн байх ёстой. Уг хуулийн хүрээнд бид ТУЗ-ийн хараат бус гишүүдийг нээлттэй сонгон шалгаруулахын зэрэгцээ жижиг хувьцаа эзэмшигчдийн эрх ашгийг хамгаалахад ямагт анхааран ажиллахаа үүгээр мэдэгдэж байна.

МОН БИЙФ – ТӨЛӨӨЛӨН УДИРДАХ ЗӨВЛӨЛ

2022.08.09